1620/2024-2025

Khawzawl, dated 16th August, 2024: Vawiin chawhma dar 11:00 am hian KVK Khawzawl-a thawktute chuan Vangtlang Community Hall-ah Vangtlang khuaa Sawhthing chingtute hnenah Sawhthing chin leh enkawl dan chungchangah training an pe.

He hunah hian Dr. Malsawmkimi Senior Scientist & Head leh Pi R. Vanlalduati SMS (Soil Science) chuan zirtirna an pe a ni. Chawhma lamah kuthnathawktute hnenah training pein chawhnu lamah Farmers Scientist Interaction hun hlawk tak an hmang ho. He hunah hian kuthnathawktute chuan an sawhthing sample rawn kengin heng atangte hian bacterial wilt, a zunga lung awmte leh rhizome maggot awmte hmuhchhuah a ni. Hengte hi thawktute chuan hrilfiahin an sawhthing chin kawnga harsatna hrang hrang an tawh te, natna leh rannung dangten a tihbuai dante sawiin, heng natna leh rannung hrang hrangte enkawl dan leh a ven dan leh enkawl dante thawktute hian zirtirna an pe nghal bawk a ni.

Vangtlang khua-ah  hian sawhthing hi chhungkaw 90 in an ching a, mi 70 in training hi an attend thei a ni. Kum 2023 khan quintal 3,500 zet an lo thar chhuak tawh bawk.