2451/2025-2026

Khawzawl, dated 28th November 2025: Vawiin khan DC Conference Hall-ah Branch MSME Development & Facilitation Office chuan PM Vishwakarma hamthatna dawngte tan ni khat awh Marketing and Entrepreneurship Orientation Training an buatsaih a, Khawzawl Bawrhsap Pu K. Vanlalthiana chu khuallian a ni.

Khuallian Pu K. Vanlalthiana chuan PM Vishwakarma chu scheme pawimawh tak, kuthnathawkte tana intun dinna a ni tih a sawi a, Khawzawl district tan chuan hmasawnna rahbi pawimawh tak a ni tih a sawi. Training buatsaih tute chungah lawmthu a sawi a, training tura lo kal te hmasawn nana hmang ngei turin a chah bawk a ni.

Hawnna hunah hian MSME - DFO, Aizawl Asst. Director Pu Samrat M. Jha chuan lawmna thu a sawi a, Extension Officer C&I Pu Chawngdingliana leh Lead District Manager Pu Lawmkima te'n thu tawi an sawi bawk. Hawnna hun hman zawh hian training tan nghal a ni a, resource person te chu heng hi an ni:

1. Pu Lawmkima, Lead District Manager - Financial/digital hands on, order delivery and inventory management

2. Pu Lalnuntluanga, State Head, India Post Payment Bank, Mizoram - Advertising and Packaging Promotion, QR code generation for PM Vishwakarma beneficiaries and digital marketing

3. Pu Kaushik Nath, GeM - GeM for PM Vishwakarma beneficiaries

4. Pu Samrat M. Jha - Ministry of Scheme