3878/2024-2025

Khawzawl, dated 20th January 2025: Vawiin chawhnu dar 1:00 khan DC Meeting Hall-ah Model Code of Conduct (MCC) leh inthlan kaihhnawih dang chungchang sawi ho turin Addl. DC, Pu Lalfakzuala kaihhruaiin meeting neih a ni.

He hunah hian chairman Pu Lalfakzuala chuan MCC chungchang sawifiahna leh sawizauna hun a hmang a, a kaihhruaina tlangpui te, thu thehdarh chungchang te, inthlan nia tih leh tih loh tur te, sawrkar chelhtu party leh mi pawimawh khuahkhirhna te, silent period chungchang te leh thil pawimawh dang a sawi. Hemi zawh hian intlar buai lova vote thlak theih dan tur (queueless polling station management) chungchang sawi ho a ni a, vote a tlak tam theih nan hmalakna hrang hrang sawi ho a ni bawk. Chairman Pu Lalfakzuala chuan meeting a lo kalkhawm te chungah lawmthu a sawi a, inthlanna muanawm tak leh thianghlim tak a thlen ngei theih nan theihtawp chhuah turin a fuih bawk a ni.

He hunah hian MCC Management Team member te leh YMA, MHIP, MUP leh MPF hruaitute an tel a ni.