3879/2024-2025

Saitual, the 20th January, 2025: Vawiin khan Saitual Bawrhsap Dr. Lalngura Tlau chuan NERACE (North Eastern Region Agri-Commodity e-Connect) leh MOVCD-NER hnuaia Sialkal FPC leh Mawmrang FPC State Co-Ordinator leh CEO te chu a Office Chamber-ah a kawm.  

He hunah hian FPC hotute chuan an hmalakna hrang hrangte an thlen a, farmer te tana hlawk leh man man zawka sawhthing hralh theihna tura hma an lakpui theih thute, sawngbawl zui thlenga an khawih theih thute bawrhsap hi an hrilh a ni. Bawrhsap Dr. Lalngura Tlau chuan an hmalakna hrang hrangte chu lawmawm a tih thu sawiin, midangte cho chhuaktu ni ngei turin duhsakna a hlan nghal bawk a ni.

Sialkal FPC leh Mawmrang FPC Co-Ordinator leh CEO te hian thlai thar lakte sawngbawlna atana tui dah khawlna (tanky) leh tih changtlunna chungchangte Bawrhsap chu an sawipui a, Machinery (Parvate Food Ltd) an neih tawh dante, sawhthing sawngbawlnate pawh an neih thu leh engemawzat an hralh chhuah tawh thute chu Bawrhsap an hrilh a ni.

Mawmrang FPC te hian nikum (2024) December thla khan Trifac Agro Company Ltd hnenah hmarcha 2Metric Ton chu @500/kg in thlai ching tute chu an lo hralhsak tawh a ni.