4799/2024-2025

Khawzawl, dated 25th March, 2025: Vawiin chawhma dar 11:00  khan Khawzawl DC Auditorium-ah Mihring Dikna Chanvo (Human Rights) zirhona neih a ni a, Khawzawl DC Pu K. Vanlalthiana'n he hun hi a hmanpui.

DC Pu K. Vanlalthiana chuan mihringin kan pianchhuah phat atangin dikna chanvo kan nei a, kan mihringpui ten kan dikna min rahbeh hi thil tha lo leh dik lo tak a ni tih a sawi a, mihringin dikna chanvo hlu tak kan neih hi kumkhua a venghim turin Sawrkarin Dan min siamsak angin kan vawnghim zel tur a ni tih a sawi bawk. Khawzawl District a Police-te chu chhuanawm a tih thu sawiin, mihring dikna chanvo humhalh kawnga hleilenna liamtham hriattur a vang hle a ni tih a sawi. Mihring Dikna chanvo an zirho thei hi lawmawm a tih thu sawiin, he huna tel zawng zawng ten hlawk taka hun an hman ngei a beisei thu a sawi bawk. 

He hunah hian Pu F. Lalbiakzauva, SP Khawzawl pawhin kalkhawmte hnenah thu a sawi bawk a, Pu Timothy R. Lalhmangaiha, Election Officer, Khawzawl Dist. chuan hun kaihruaiin Pu R. Vanlalzawma, Dy. SP (Hqrs), Khawzawl Dist. nen Mihring Dikna Chanvo chungchangah hian kalkhawmte hnenah zirtirna an pe a ni.