1608/2024-2025

Khawzawl, dated 15th August, 2024: Vawiin chhun dar 1:00 pm khan Minister of State for Sports & Youth Services, LESDE etc., Pu Lalnghinglova Hmar, Independence Day lawmna khuallian ni bawk chuan Independence Day 2024 Football Tournament kal mek chu khuallian niin a hmanpui.

He hunah hian Minister Pu Lalnghinglova Hmar chuan tournament a naupang thahnem tak an tel avangin a lawm thu a sawi a, Mizo inkhel thiamte hma kan sawn zel theih nan coaching leh sports infrastructure a hma sawn zel turin theihtawp chhuah sawrkarin a tum thu a sawi bawk. Naupang inkhelte hnenah sang tak thleng tur chuan hriselna ngaih pawimawh a tul thu a sawi a, ruihhlo laka fimhlim tlat turin a fuih bawk a ni.

Thusawi zawh hian Minister Pu Lalnghinglova Hmar chuan Khawzawl Deputy Commissioner leh District Sports Committee Chairman, Pu K. Vanlalthiana hnenah volleyball khelhna hmanrua a pe a, Independence Day 2024 Football Tournament Under 12 leh Under 14 category lawmman a sem nghal bawk a, lawmman latute chu hetiang hi an ni:

Under 12 lawmman

Best Player - Zomuanpuia (Neihdawn)

Runners up - Electric u-12 team

Champion - Neihdawn u-12 team

Under 14 lawmman

Best player - Lallawmpuia (Zuchhip)

Runners up - Ngaizawl u-14 team

Champion - Zuchhip u-14 team