1609/2024-2025
Champhai, 15th August 2024: Vawiin chawhma dar 11:00 khan Chhangphut Field-ah India ram zalenna ni (Independence Day) vawi 78-na chu India ram hmun dangte rualin urhsun taka lawm a ni a. He hunah hian khuallian Agriculture & Farmers Welfare Minister Pu PC Vanlalruata chuan hnam puanzar pawt pharhin, Parade Contingent 18 te hnam puanzar chibai buk a chhanglet a. Adviser to CM, Er. Ginzalala, Champhai North bialtu ni bawk pawhin he hun hi a hmanpui a ni.
Agriculture Minister Pu PC Vanlalruata chuan Independence Day lawm tura kalkhawm mipuite lawmna thu sawiin, Champhaiah Independence Day-a hmang thei chu lawmawm a tih thu a sawi a. Khuallian hian India ram tana zalenna sualtute chu zahna chibai a buk a, Democracy ram lian ber leh hmasawn chak ber pawla India min hlangkaitute an ni, a ti.
Pu PC Vanlalruata chuan Mizoram sawrkarin thlai chi li - sawhthing, aieng, hmarcha leh hmunphiah te kuthnathawktu ten man man taka an hralh theih nan ruahmanna a siam tih sawiin, “Sawhthing hi a grade sawi lovin, kuthnathawktu ten kg-ah cheng sawmnga aia tlawm lova an hralh theih nan sawrkarin a tul angin support price a pe dawn,” a ti. Agriculture Minister hian kuthnathawktu ten harsatna an tawh mek - sawhthing tam leh vawk pul hri chu sawrkarin a hriatpui thu leh an tawrhna te chhawk zangkhai turin hma an lak mek thu a tarlang bawk.
Pu PC Vanlalruata chuan Mizoram sawrkarin ban a kaih ngai te kai turin ‘Hand Holding Policy’ a siam fel mek a, mipuite hnenah puan zar thuai a ni dawn, a ti a. Sawrkar ruahmannate a hlawhtlin theih nan leh ruihhlo do rem a nih theih nan mipuite thawhpuina leh tawiawmna a ngen a ni.
India ramin chak taka hma a sawn theih chhan pakhat chu ralmuanna vang a nih thu sawiin Pu PC Vanlalruata chuan Mizoram chuan rambuai rei tak avangin hmasawnna kawng zawh lawk theih lo mah se, kum 2024 a her chhuah meuh chuan hmarchhak state-te zingah state ralmuang leh hmasawn chak ber pawl a ni tawh a ni, a ti a. Kum kal ta chhunga Sawrkar Department hrang hrang ten Champhai District-a hma an lak dan chu a hnuaia mi ang hian a sawi a ni.
Champhaia Independence Day hmanna hunah hian Ruihhlo dona kawnga thawk tha - Pu C. Lalromawia, Constable leh Pu Robert Lalhmuakliana, Sub Inspector, Champhai District Executive Force te hnenah Governor’s Commendation Certificate chu Agriculture Minister hian a hlan a. Parade Contingent-te hnenah lawmman a hlan bawk.
Independence Day Ceremonial Parade, Champhaia lawmman dawngtute chu:
Unarmed Contingent
1. NCC, Govt. GM Higher Secondary School
2. NCC, Govt. Champhai College
3. NCC, Govt. GM High School (Girls)
School Contingent
1. Bethel Mission School
2. Govt. GM Higher Secondary School (Girls)
3. BC Lalthlamuana English Academy; te an ni.
Adviser to CM, Er. Ginzalala chuan Independence Day puala inelna hrang hrang buatsaih a lawmman dawngtute hnenah lawmman a hlan a, chungte chu :
1. Inter-Office Badminton Tournament
i. Womens Doubles (Grade B):
Runners Up - PC L. Muansangpuii & Mimi Lalramhluni, District Hospital
Champion - H.Lalnuntluangi & Lalnunhliri, District Hospital
ii. Gazetted Officers Doubles: Runners Up - Lalthantluanga Tochhawng & Lalrinmuana, Education Dept & Social Welfare & Tribal Affairs Department Champion - Dr. Vanlalrenga & Dr. Lalnuntluanga Ralte, District Hospital
iii. Mens Doubles (Grade A): Runners Up - Isaac Lalhruaitluanga & Lalhmingliana Public Health Engineering Department Champion - Zairimawia & Biaknunmawia, National Informatics Centre
2. RUIHHLO DO - I-DAY BASKETBALL TOURNAMENT, 2024
Most Valuable Player: Lalhminghlua Khiangte, Vengthlang Sporting Club
Runners Up - Kahrawthians Basketball Club, Champhai Champion - Vengthlang Sporting Club, Champhai
3. I-DAY 9 BALL POOL TOURNAMENT, 2024 Runners Up
John Lalthanpuia Champion - Lalrempuia Bawitlung
Chhangphut Field-a hun hman zawh hian, Circuit House-ah sawm bik te pualin ‘VIP at Home’ hman a ni bawk.
Attachment
- Loading attachment...
