Pu VL REMLIANA, DC Champhai; Pu VINEET KUMAR, SP

Champhai; department hrang hranga kan sorkar hotute, kan khawtlang hruaitu pawimawh tak tak te leh, vawiin Independence Day lawmna hun hmang tura mipui lo kal zawng zawng te, in zavaiin chibai ka buk a che u.

India ram tana ni ropui tak, Independence Day vawi 78-na lawmna programme-a in zinga ka lo tel thei hi vannei ka inti hle a, tun hun hmang tura in inpuahchahna te ka thlirin, a ropui ka ti a, DC leh a thawhpuite chungah a hmasain lawmthu ka sawi duh a ni.

Kan hriat theuh angin, India ram chu rei tak British Lal awpbehna hnuaiah kan awm hnuin, August ni 15, 1947 khan mahni kut leh ke-a ding tawh turin, kan lo zalen ta a. Hetiang dinhmun thleng thei tur hian mi tam takin nunna an lo chan tawh a, India ram tana zalenna sualtute (freedom fighter) te vawiin hian zahna chibai kan buk a ni. Asia ram chhungah pawh tunah chuan India chu China tih lovah a lian ber leh thang chak ber kan lo ni ta a; khawvel pawhin democracy ram lian ber tia an hriat lar kan lo ni ta a ni.

Hetiang taka kan ramin hma a sawn theihna chhan lian tak pakhat chu – ralmuanna hi a ni. Kan thenawm ram te kan thlir chuan, buaina hrang hrangin a tlakbuak hlawm a. Ram buai-ah chuan hmasawnna a thleng tak tak thei lo a ni. Mizoram pawh, rei tak ram buai kan nih avangin India ram chhungah rau rau kan thenawm state thenkhat te aiin hmasawnna kawng kan zawh ve lawk thei lo va. Mahse hei kum 2024 a lo vei meuh chuan, North East-ah rau rau pawh state ralmuang ber leh hmasawn chak ber kan lo ni ta.

Mizoram sawrkar chuan tha thlah lovin sum harsatna karah pawh hmasawnna hna chak takin a thawk mek zel a, he ni ropui takah hian kum kalta chhunga Sorkar Department te’n Champhai District-a an hmalakna te leh ruahmanna hmachhawp thenkhat tarlan ka duh a. Chungte chu: 

1. Champhai District a lo ralmuan theih nan SP Champhai kaihhruaina hnuaiah Champhai District Executive Force te chuan theihtawpin hna an thawk a. Kumin January atanga July thla thleng hian Heroin KG 40.638, cheng vaibelchhe 12 man hu, Methamphetamine KG 67.874, cheng nuai 88 man hu leh Crystal Meth KG 34.155, cheng vaibelchhe 102 man hu te an man tawh a. Venhimna kawngah Security Agency dang te nen thawhhona tha tak an nei bawk a ni. 

2. Excise & Narcotics Department chuan kum 2023-24 chhung vek hian zu leh ruihhlo chi hrang hrang cheng vaibelchhe 18.46 man hu an man bawk. 

3. Agriculture & Farmers’ Welfare Department chuan Tualcheng, Hnahlan, N. Khawbung, Lianpui, Thekpui leh Vaphai-ah te vaimim chi tha (hybrid variety) KG 1,018 (cheng nuai 4 leh sang sarih man) leh buh chi tha Arize Hybrid 6444 chu Champhai leilet-a chin tur kg 10 a pe chhuak a. Buh tichhetu rannung thah nan Cypermethrin 25 EC bur 500 a thlawn leh subsidy-in a pe chhuak bawk a ni. RKVY SMAM hnuaiah Zau paruk: Thliarpui Zau – Tlangsam, Vangzawl Zau – Hmunhmeltha, Phaizau Farming Development Co-op Society – Zotlang, Kawlbem Zau Tuisa WRC – Vaikhawtlang, Mualtlangau Zau – Ruantlang, Ramri Zau Farming Society – Khuangthing te’n tractor subsidy an hmu a. Heng tractor te hi loneitute’n tangkai takin an hmang mek a ni.

4. FOCUS hnuaiah hian Agriculture, Horticulture, Vety leh Irrigation Department kaihhnawihah te hmalakna kalpui a ni a. Leichunglang hang tha luangral tur vennan mi 968 hnenah cheng 2,500 theuh pek an ni. Tin, khaw hrang hrangah tuizem 15 siam niin, Bench Terrace hectare 55-a zau Hmunhmeltha, Chhungte, Zotlang, leh Vaphai-ah te laih anih bakah Check Dam hmun 15-ah siam a ni. Grape, Tomato, Zikhlum leh Mizo hmarcha chingtute hnenah tanpuina pek a ni bawk.

5. Cooperation Department hnuaiah Champhai District-a Primary Agriculture Credit Society pasarih te chu Computerize tura thlan chhuah an ni a. Champhai Large Area Multipurpose Society (LAMPS) leh Vaphai PACS te chuan National Cooperative Development Corporation (NCDC) atangin Regional Cooperative Excellence and Best Cooperative Society lawmman te an dawng nghe nghe.

6. Horticulture Department hmalaknain Off-Season Tomato leh Zikhlum hlawhtling taka chin a ni a. Tomato quintal 791.5 thar chhuakin cheng nuai 40 lei chhuah a ni a; zikhlum quintal 6,588 atangin cheng nuai 131.76 hmuhchhuah a ni bawk. Hei bakah hian dawnfawh quintal 1,000 atangin cheng nuai 20 lei chhuah a ni a; FOCUS nen tangkawpin Hectare 20-a zauvah Grape chin belh a ni. June thlenga Grape thar chhuah tawh zat chu quintal 9,508.6 niin chumi hralhna atanga sum hmuh zat chu cheng vaibelchhe 14 chuang zet a ni. Serthlum quintal 2,869 thar chhuah atangin cheng nuai 71 chuang hmuhchhuah a ni bawk. 

Hei bakah hian Mizo hmarchate quintal 2,348.8 tharchhuah niin, cheng nuai 65 chuang hmuhchhuah a ni a. Aieng quintal 400 atangin cheng nuai 8 lei chhuah a ni bawk. Hei bakah hian kuthnathawktute tan tuikhuah engemawzat siam a ni a, training pawh pek an ni. 

7. Animal Husbandry & Veterinary Department chuan National Livestock Mission hnuaiah kel, vawk leh ran chaw siamtu mi 292 tan tanpuina pawisa fai a pe tawh a. Champhai District Veterinary Hospital hian kum 2023-2024 chhung khan OPD Case 11,038 an nei a, vaccine 2,972 pe chhuakin; ran damlo 2,271 chu a hmunah an kalchilh a, Vawk 47 leh bawng 86 te hlawhtling takin Artificial Insemination hmanga no neih tir an ni bawk. Vety Department hian sorkarah Revenue cheng nuai 5 chuang an lut bawk a ni.

8. Sericulture Department hnuaiah Silk Cocoon khawitu chhungkaw 198 te chuan September 2023- July 2024 chhung hian Silk Cocoon KG 2,129.89 an thar chhuak a. Central Silk Board hnuaiah “Sustainable Livelihood Through Ericulture in East Mizoram” kalpui mek Champhai District chhungah chhungkaw 142 enkawl mek an ni a, he scheme hnuaiah vek hian “Augmentation of Muga Culture in Mizoram” kalpui niin, Champhai District chhungah chhungkaw 13 enkawl tura hma lak tan mek a ni.

9. Fisheries Department chuan PMMSY scheme hnuaiah sangha chi khawina tur dah lawkna siam nan mi 38 hnenah tanpuina an pe a, buh kara sangha khawi pawlh nan mi 100 hnenah tanpuina an pe bawk. Sangha chi siamna tur atan mi pakhat hnenah cheng nuai 15 pe-in, sangha chi tihpunna (raceway) siamna atan mi pathum hnenah cheng nuai khat singruk sanghnih theuh an pe bawk.

10. Land Resources Soil & Water Conservation Department chuan NABARD WDF hnuaiah vawk vulhtu chhungkaw 7, ar vulhtu 10 leh Balhla hmun siamtu chhungkaw 17 te tanpuina a pe a. He’ng bakah hian hmun engemaw zatah Checkdam, Bench Terrace, Countour Staggered Trench leh Recharge Pit siam a ni.

11. Environment, Forest & Climate Change Department chuan Champhai Zotlang hmun hluiah Botanical Garden din turin hma a la mek a, National Mission for Himalayan Studies hnuaiah Nature Learning Centre Zotlang- ah vek hian din a ni tawh bawk. Dan lova ramsa lakluh te dahna turin Tlangsam-ah Satellite Wildlife Rescue Center din a nih theihnan hmalak mek a ni.

12. Rural Development Department chuan June 2024 thleng khan NREGS hnuaiah Job Card nei mi 18,922 te tan inhlawhna ni 30 chhung atan a siamsak tawh a. Hei bakah hian PMAYG atangin Khawbung leh Champhai RD Block-ah te in sak tanpuina pek tur chhungkaw 121 ve ve ruahman a ni tawh bawk. PMKSY hnuaiah Ngur, N. Khawbung, Farkawn leh Khankawnah te cheng nuai 700 man theuh Watershed Development Component hnuaiah hna thawh mek a ni.

13. Mizoram State Rural Livelihood Missions (MzSRLM) Champhai District hnuaiah hian Self Help Group 263-ah member 2,038 an awm mek a. SHG te tan hian loan cheng vaibelchhe thum leh nuai 64) pek chhuah a ni tawh. Hei bakah hian thalai te’n eizawnna tha zawk an neih theihnan DDUGKY hnuaiah mi engemaw zatin training an nei tawh bawk a ni.

14. Local Administration Department chuan 15^th Finance Commission Tied leh Untied Grant 1^st leh 2^nd Installment chu Village Council 62 te hnenah a pe chhuak tawh a. Untied Grant-ah hian cheng vaibelchhe 1.23) ve ve 1^st leh 2^nd Installment pek chhuah a ni a, Tied Fund-ah hian cheng vaibelchhe 1.85 ve ve pek chhuah a ni. RGSA hnuaiah Bungzung, Vangchhia. Zote leh Khankawn khuaah te cheng nuai 20 theuh hmangin Panchayat Bhavan sak a ni a; Vaphai VC ten Common Service Centre sakna tur an dawng bawk a ni.

15. Urban Development & Poverty Alleviation Department chuan khawpui a lo fai a, a chhunga chengte kan changkan zel theihnan hma nasa takin a la mek a. Swachh Bharat Mission hnuaiah Solid Waste Management Centre hmalakna kalpui mek niin tunah hian Composting Shed leh Dry Waste Processing Shed sak hna kalpui mek a ni. PMAY Urban hnuaiah insak tanpuina dawng tawh chhungkaw engemawzat a hnuaia tarlan ang hian an awm bawk a ni.

i. Champhai 03 (DPR-I) atangin 1^st Installment beneficiary 2,308; 2^nd Installment beneficiary 1,416; 3^rd Installment beneficiary 660 hnenah pek tawh an ni.

ii. Champhai 26 (DPR-II) atangin 1^st Installment beneficiary 927, 2^nd Installment beneficiary 414 pek an ni bawk.

iii. Champhai 32(DPR-III)-ah hian 1^st Instalment beneficiary 732, in dawng tawhin 2^nd instalment-ah beneficiary 291 te’n an dawng tawh bawk a ni. 

16. Power & Electricity Department hnuaiah 500 KW Tuipui Small Hydel Project hluihlawn tawh chu siam that leh a ni a, kum 2024 chhung hian 12,00,000 kWh tharchhuah (Generate) ngei beisei a ni. Champhai Khawpui leh a chhehvel khaw hrang hrang te’n Power Supply hnianghnar leh Voltage tha zawka an hmuh theihna turin RDSS Scheme hnuaiah Distribution Transformer 40 leh LT line thar 82 KM siam tum a ni a. Tin, heng bakah hian khawchhung LT line te Conductor lian zawk leh mipuite him zawkna atan Aerial Bunch Cable-a thlak tum a ni bawk. NABARD RIDF hnuaiah Leilet zau 4 te eng pek tawh an ni a, zau dang panga te pawh pek tum an ni.

17. Public Health Engineering Department chuan Jal Jeevan Mission hnuaiah Champhai District-a thingtlang khua 18 te tan ni zung tha chakna hmanga tui pump theihna (Solar Water Pump) an bun fel tawh a. NABARD hnuaiah Farkawn leh Ruantlang tui lakna tur buaipui mek a ni bawk. Hei bakah hian AMRUT 2 hnuaiah cheng nuai 764.52 sengin Improvement of Greater Champhai Water Supply Scheme buaipui mek a ni a. Swachh Bharat Mission-ah LAD nen tangkawpin Community Compost Pit 23, Community Soak Pit 29 leh Segregation Shed 42 siam tawh a ni. 

18. Public Works Department, Champhai Division chuan kum 2023-24 chhungin KM 60.831-a thui Formation Cutting hna an thawk a, kawng KM 21-a thui black top niin, concrete pavement metre 680-a thui bakah Culvert 493 te an siam bawk a ni.

19. Deputy Commissioner of State Tax Office, Champhai Zone chuan August, 2023 atanga July, 2024 chhung hian chhiah petu chi hrang hrang te hnen atangin cheng vaibelchhe 7.36 lai mai an khawn tling tawh a ni. 

20. Land Revenue & Settlement Department chuan kum 2023-24 chhung hian LSC 162, House Pass 128, WRC LSC 7, Garden LSC 6, Land Lease 5, Garden P. Patta 70 siam that leh pek chhuah an nei a. Stamp & Registration atangin cheng nuai sarih dawn hmuchhuakin, Chhiah - cheng vaibelchhe 1.15 leh Non Tax cheng nuai 18.81 sorkarah an chhunglut tawh bawk a ni. 

21. Mipui te’n hriselna tha zawk kan neih theihnan Champhai District Hospital chu thuam that mek zel a ni a. District Hospital Building thar chu sak zawh tawh niin, Out Patient Department kalpui nana hman mek a ni. Reproductive and Child Health (RCH) Programme hnuaiah nau sen boral (Infant Mortality Rate) leh nu nau chunga boral (Maternal Mortality Rate) a lo hniam zel theih nan te, Family Planning inzirtirna atan te leh Malaria & Dengue a tlem zel theihnan te khaw hrang hrangah Awarness Campaign neih thin a ni a. Doctor ten OPD an nei nghal thin bawk. 

Hriselna kawnga thawktu te’n hma an sawn zel theih nan Skill Birth Attendant Training hi Batch 4-ah thenin Staff Nurse, Health & Wellness Officer leh Health Worker te hnenah zirtirna pek thin a ni. 

22. Food & Drugs Administration chuan mipui te’n damdawi him leh eitur thianghlim kan ei theihnan theihtawp chhuahin hma an la mek zel a. April ni 1, 2023 atanga July ni 2, 2024 thleng khan sorkarah revenue cheng nuai khat leh singkhat sangli an chhung lut tawh a ni. 

23. General Nursing & Midwifery School, Champhai chu kum 2023 atang khan kalpui tan a ni a, tunah hian 2^nd Batch (2024-2027) ten Admission an ti mek a ni. 

24. Industries Department chuan PMEGP hnuaiah mi pakhat hnenah Apex Bank kaltangin tanpuina an pe tawh a. Pradhan Mantri Formalisation of Micro Food Processing Enterprises hnuaiah Industry panga te chu tanpuina (Financial Assistance/Loan) dil sak mek niin, UDYAM hnuaiah Industry 668 te ziah luh an ni tawh bawk a ni. 

25. District Transport Office chuan kum 2023-24 chhungin Motor 712 leh Two Wheeler 713 an ziak lut a. Chhiah Rs Vaibelchhe 2.35 hmu chhuakin, Parking fee atangin cheng nuai 5.6 an hmuchhuak bawk.

26. District Institute for Education & Training (DIET) Champhai-ah hian zirtirtu 11 te’n zirlai 98 an enkawl mek a. Zirtirtu thawk tawh leh zirtirtu nih tum te chher chhuah kawngah hma nasa takin an la a ni. 

27. Govt. Champhai College-ah hian July 2023 atang khan hlawhtling takin National Education Policy kalpui tan a ni a. Champhai College hi NEP 2020 kaihhruainain a sawi anga Multidisciplinary Course leh Skill Enhancement Course kalpui theihna Mizoram College tlemte zinga mi a ni. Tun dinhmunah hian NEP 2020 hnuaia zirlaite tan paper chi nga – Computer Concept, Soft Skills, Serving Skills & Fine Dining Etiquette, Mizo Language & Writing Skills leh Financial Literacy a awm a. Hei bakah hian mi inphal Pu Chalbawia hming chawiin – Chalbawia Museum sak mek a ni.

Tuna kan tarlan te kha, a tlangpui ang tak tak a ni a. Sorkar hmalakna reng rengah hian a hlawhtlinna hi thawktute leh mipuite kutah a innghat thui em em a. Vawiina kan tarlan te pawh kha thawktute inpekna leh Champhai District mipuiten Sorkar kan thlawp thatna avanga hlawhtling a ni tih hi ka sawi duh a. Sorkar aiawhin in chungah lawmthu ka sawi a ni. 

A tira ka sawi tawh khan, hmasawnna rahbi thar kai zel thei tur chuan kan inlungrualna, thawhhona leh ralmuanna hi kan vawn nun zel a ngai a. Champhai District chu, Myanmar nena inri kan nih avangin, kawng engkimah kan fimkhur a, thil tha lam leh tha lo thlengin Mizoram luhka pawimawh tak kan ni tih hriain, Mizorama district dangte entawn tlak ni turin leh hmasawnna-ah pawh a sulsutu ni thei turin vawiina lo kal zawng zawng te mahni phak tawk ang zelin, tan la theuh turin ka chah duh che u a ni. Kan ram hi Pathianin min pek a ni a, duat takin enkawl ila, a chhungte chengte pawhin, enge kan ram tan ka tih theih tih ngaihtuah chungin, hma lam ke i pen zel ang u. 

Ka lawm e.

Jai Hind.