2936/2025-2026

Khawzawl, dated 15th January 2026: Vawiin khan Khawzawlah Mizoram a District dangte rualin mock/exercise drill neih a ni a, mock exercise/drill hi hmun thum – zing dar 10-ah Senior Secondary School, Khawzawl – Khawzawl Vengthar Bazar ah neih a ni a, tlai dar 5-ah Khawzawl District Hospital-ah neih a bawk.

Mock/Exercise drill hi chhiatrupna thlen thut a chet lak dan tur inzirna a ni a, He mock/drill ah lirnghing hi zing dar 10:03-ah thlen tir ni a, Lirnghing a thlen hian siren tihrik nghal niin District Emergency Operation Centre (DEOC) Circuit House-ah an thukhawm nghal a. Khawzawl Bawrhsap Pu K. Vanlalthian chu Responsible officer niin report a dawn ang te District Disaster Management Authority (DDMA) hnenah a sawi a, staging area chhawpchhuah niin staging area atang hian Search & Rescue team te, Medical team te an chanvo hrilh niin tirh chhuah nghal an ni. Senior Secondary School Khawzawl ah chuan lirnghing leh current kal sualin a kangmei a chhuak te tih lan niin he chhiatna lo thleng ah hian mithi pahnih, damlo na zual damdawi in thlen pui ngai pali awmin, a hmun a first aid hmanga enkawl ngai hi mi sawmpali an awm a, hliam te nau tuar mi paruk an awm lirnghing leh kangmei laka hliam tuar lo chhanchhuah mi sawmhnih an awm bawk a. He chhiatna vanga tuar zawng zawng te chu mi 40 an ni. Khawzawl Vengthar Bazar ah hian lirnghing leh lei min vanga chhiatna thleng entir niin, he chhiat na ah hian mi thi pahnih, damlo na zual damdawi in thlen pui ngai pali awmin, a hmun a first aid hmanga enkawl ngai hi mi sawmpali an awm a, hliam te nau tuar mi paruk an awm lirnghing leh kangmei laka hliam tuar lo chhanchhuah mi sawmhnih an awm bawk a. He chhiatna vanga tuar zawng zawng te chu mi 40 an ni. Khawzawl District Hospital ah hian lirnghing in a chhiat na hrang hrang a thlen theih te entir niin he mock drill ah hian tlai dar 5 ah khan lirnghing thlen tir niin, Lirnghing a thlen hian siren tihrik nghal niin District Emergency Operation Centre (DEOC) Circuit House-ah an thukhawm nghal a. Khawzawl Bawrhsap Pu K. Vanlalthian chu Responsible officer niin report a dawn ang te District Disaster Management Authority (DDMA) hnenah a sawi a, staging area chhawpchhuah niin staging area atang hian Search & Rescue team te, Medical team te an chanvo hrilh niin tirh chhuah nghal an ni. chhiat thlen na hmun ah hian Hospital staff mithi pahnih awmin,Hliampui tuar pathum an awm a, first aid a enkawl mi paruk an awm bawk a. He chhiat na ah hian tuartu zawng zawng chu mi 22 an ni.

Mock/Exercise drill pumpui tana Incident Commander hi Addl. DC Pu K Zorammuana a ni a, Hmun tinah hian incident commander leh observer an awm bawk a, chung te chu

Senior Secondary School, Khawzawl

Incident Commander- Sub Divisional Officer (Sadar) Pu Suvigya S Chandra 

Observer- R. Lalrinmawia Dy. Commandant 2nd IR Battalion

Khawzawl Vengthar bazaar

Incident Commander- Pu Timothy R. Lalhmangaiha Asst. Commissioner (Revenue)/ 

Block Development Officer 

Observer- H. Vanlalluaia Adjutant 2nd IR Battalion

District Hospital Khawzawl

Incident Commander- Pu Timothy R. Lalhmangaiha Asst. Commissioner (Revenue)/ 

Block Development Officer 

Observer- R. Lalrinmawia Dy. Commandant 2nd IR Battalion

Mock drill hi tluang takin zawh a ni a, team hrang hrang pawn an chanvo tha takin an zo thei a. DEOC-ah chawhnu dar 1-ah debriefing neih a ni. Zan lam a District Hospital a Mock drill neih hi zanin dar 6:45 ah DEOC ah debriefing neih a ni.