4975/2025-2026

Dated Khawzawl, 24th March, 2026: Vawiin chawhma dar 10:30 khan DC Conference Hall, Khawzawlah District Child Protection Unit (DCPU), Khawzawl bultumin ni hnih awh tur 'Child Protection Volunteer Training' neih a ni a, Bawrhsap, Pu K. Vanlalthiana chu khuallian niin a hmanpui.

He hun hi Pu Lallawmpuia, Member, Child Welfare Committee (CWC), Khawzawl chuan kaihruaiin, Pu James Lalthangmawia, District Child Protection Officer (DCPO), chuan inlawmna thu a sawi a. Child Protection Volunteer (CPV) hi District Child Protection Unit (DCPU), Khawzawl in Naupangte venhimna tura kalphung a duan thar niin, CPV ni tur hian Khawzawl District chhunga Village Council tin atangin naupang enkawlna lama mi thahnemngai leh hetiang lama tui, mi hmingtha, tupawh sawm an nih thu leh training hi buaitsaih a nih thu a sawi a ni.

Bawrhsap, Pu K. Vanlalthiana chuan CPV training pawimawh tak buatsaih a ni chu lawmawm a tih hle thu a sawi a. Volunteer te’n naupang leh tleirawlte humhimna kawnga tha thlahloh an ngaih zia sawiin, Mizoram puma harsatna kan tawh thin te chu chenpui/chhungkhat laina, naupang te pawhin an ngainat sa te atang a nih tlangpui thin avangin fimkhur in zirtir thar a tul hle a, humsual dai an awmin a tuartu, naupang rilru kan hriatthiampui tawk thin lo chu pawi a tih thu sawiin, harsatna lo thleng thinte thupbo mai lova dan anga hmalak a tul thu a sawi a. A tuartu, naupangte tan chhawmdawlna tur compensation a awm thute sawiin, rilru dam taka a tuartute an awm theih nan venhim hna thahnemngai zawka thawk a, rilru thianghlim tak pu chunga Volunteer te’n mawhphurhna an neihte hlen zel turin a sawm a ni. Thu a sawi zawh hian Volunteer-te hnenah badge hlanna a nei nghal a ni.

Training ni khatnaah hian Pu James Lalthangmawia, DCPO, R. Lalhmangaihsangi, Legal Cum Probation Officer leh Malsawmsanga, Co-ordinator, Child Helpline Unit – te hnen atangin Mission Vatsalya hrilhfiahna leh Child Protection Volunteer (CPV) te mawhphurhna leh tih tur chungchang te, Naupang te humhimna dan, Juvenile Justice Act, 2015-in naupang, nausen pianghlim atanga kum 18 la tlinglo zawng zawngte humhimna kawng hrang hrangah CPV-te hian DCPU-te nen tangkawpa thawhho dan tur chungchangte leh Hursualna kawnga naupang te'n tawhsual an tawh lohna tura an inven theihna kawng hrang hrangte, thil a lo thlen thulha hmalak dan tur te, hetiang lam hawia che te chu na taka hrem an nih theihna dan te, mitinte fimkhur hle a tulzia te inhrilhhriatna neih niin Volunteer-te chu naupang te tana huaisen taka ding tur an nih ziate hrilhhriatna hun an nei a, Discussion hun hlawk thlak tak hman a ni zui bawk a ni.