4976/2025-2026

Saitual, the 24th March, 2026: Vawiin khan DC Conference Room, Saitualah District Bawrhsap Pu Srinivas Sadi kaihhruaiin District AIDS Prevention Control Committee chu an thu khawm a, District Level-a AIDS darh zel tur venna leh khuahkhirhna kawnga hmalak zel dan tur kawng hrang hrangte an ngaihtuahho a ni.

Vawiina thutkhawmah hian HIV dona kawnga hma lak dan turte, District Integrated Action plan siam dan turte sawiho niin, Saitual District-a HIV kaite hriat chhuah an nih theihna atan a tam thei ang ber test neih dan tur te sawiho a ni. Heng bakah hian Sub- Hqr YMA-ina April thla tawpa conference an neihna turah awareness campaign neih paha thisen test tura rawtna an siam te, DEO in nu leh pate phalnaa school tina thisen test rawtna chungchang leh kohhran hrang hranga hmalak dan turte sawiho a ni.

Saitual District chuan National AIDS Control Organisation in target pathum a siam te zingah pakhat chu a tihlawhtling tawh a, pahnih dangte pawh December ni 1, 2026 hma ngeia tihlawhtling leh tura hmalak ni se tih an rel bawk.

Vawiin thutkhawmah hian Pu Srinivas Sadi, Chairperson, DAPCC & DC, Dr. Zothanpari Chhakchhuak, Member Secretary, DAPCC & Dy. CMO, Pu Tharun Patnaik Madala, SDO (S), Pu Laldingliana, DEO, Dr R Zonunmawii, DPM, DISHA, Aizawl, Dr. Emily Malsawmtluangi, CPO, DISHA, Aizawl, Pu J.Lalrempuia, DIS, Aizawl, Pu Dominic VL Fala, D.A, Disha, Aizawl, Pu VL Hmangaihzauva, PM, Peniel DIC te bakah khawtlang leh kohhran hrang hrang aiawhte an tel a ni.