4977/2025-2026

Khawzawl, dated 24th March 2026: Vawiin chawhma dar 10:30 (Thawhlehni) khan KVK Khawzawl leh ICAR- National Research Centre (NRC) Grapes, Pune tangkawpin Chawngtlai khua-a Grape chingtute hnenah KVK Khawzawl chuan an hmunhma ngeia kalin zirtirna an pe. He hunah Dr. N.A. Deshmuk, Senior Scientist ICAR – NRC for Grape, Pune chuan Grape cut dan dik zirtirna pe – in a telpui bawk a ni. Dr. Malsawmkimi, Senior Scientist KVK Khawzawl chuan he hun hi kaihruaiin Grape mai bakah kan thlai tharchhuah te tun aia hlawk zawka thar thei tura theihtawp kan chhuah a tulzia leh chumi atana tunlai technology hman thiam a pawimiawh zia a sawi.

Dr. Lalngaihawmi, Subject Matter Specialist (Plant Protection) KVK Khawzawl chuan rannung eichhetu laka grape ven dan tur te, natna hrik laka venna tur leh an grape than duhna tur vitamin chungchang te zirtirna a pe a ni. Chawngtlai khua-a grape chingtute hian an grape chawr rual lo hi an harsatna a ni thin a, heng an harsatna ah hian Dr. Deshmuk Senior Scientist Pune chuan a chawr rual theih dan tur chungchangah hian zirtirna a pe bawk. Grape chingtu kalkhawmte nen inkawmkhawmna hun hman nghal niin, kalkhawmte hnenah grape enkawlna atana leitha, rannung thahna hlo leh natna enkawlna tur bakah vitamin te an pekchhuah nghal a ni.

KVK Khawzawl hian TSP (Tribal Sub Plan) hnuaiah Hnahlan leh Chawngtlai khuaa grape chingtute hnenah tun aia hlawk zawka an tharchhuah theih nan theihtawp an chhuah mek a ni.