1825/2026-2027 

Dated Khawzawl, the 17th August, 2026 : Vawiin khan Khawzawlah Pluck & Pay Organising Committee chu DC Office Video Conference Hall-ah Pluck and Pay Festival neih tura inpuahchahna thlen chin leh hmabakte sawi hovin an thukhawm. He thutkhawm hi Addl. Deputy Commissioner Pu K. Zorammuana chuan a kaihruai.

Vawiin thutkhawmah hian Department hrang hrang hotute leh Tulate leh Chawngtlai Village Level Organising Committee hnen atangin an mawhphurhna zawn theuha an inpuahchah dan leh an thlen chinte ngaihthlak a ni a. Festival neih huna traffic leh security chungchang te, food stall siam dan tur te leh activity hrang hrang neih dan tur sawi ho a ni.

Pluck & Pay festival (Lo la, lei rawh) hi mipui leh khawtlang nena tangruala tourism tihhmasawnna (community-based tourism) lama hmalakna niin, a thlengtu khuaten hlawkpui ber se tih hi sawrkar duh dan a ni a. Festival hi September 23-25, 2026 chhung neih tur a ni a, a hawnna hi Tualte ah neih tur niin, Chawngtlai-ah a kharna hun hman a ni dawn a ni.

Pluck & Pay festival-ah hian a thlengtu khuaa lo leh huanah te kalin, thlai leh theite chu mahni a lovin a lei theih dawn a. Thlai leh thei lawh mai bakah mikhualte tana intihhlima tur Mizo infiamna chi hrang hrang leh adventure acitivity-te buatsaih a ni dawn bawk a.  Khaw pahnihah hian thlai leh thei bakah thildang chi hrang hrang zawrhchhuahna tur stall siam a ni bawk ang a. A hawnni leh kharni-ah zaithiam lar tak tak leh khawchhung zaithiamte hovin concert buatsaih a ni dawn a ni.