1826/2026-2027 

Dated Serchhip, the 17^th August 2026: Vawiin khan Serchhip District-in kawngpui tha leh tlo zawk a neih theih nan NHDICL hnuaia KRAM Infracon Pvt Ltd ten Serchhip District chhung Khumtung - Keitum, kawng chhuat chhia/khuar siamthat (Pot Hole Repairing) hna an kalpui mek chu, hun tiam chhunga an zawh hman dawn leh dawn loh te, kawng siamna hmanrua an hmante a tha tawk em tihte endik a ni a. Inspection Teamte chuan tuna lung an hman mekte chu duthusam ni chiah lo mah se, tun dinhmun atan chuan a tha thawkhat nia ngaiin, fur ruahtui tlak zawh lamah, tha lehzuala Metal hna thawh that leh vek tur a nih thu an sawi. 

NH54 Package - 2, Baktawng Mualkawi - Serchhip By Pass Road - Keitum inkar kawng siamtu KRAM Infracon Pvt. Ltd. te hnathawh hi kumin fur chhoah hian repair ngaiin hmun tam takah a chhia a, lung chang tha chauh hmang zel tawh tur leh kawng khuar hnawh dan pawh uluk lehzual turin hnathawktute chu hrilh nawn leh an ni. 

Kawng siamtu Contractor te pawhin chak leh rang zawka hmanrua (materials) leh khawlte an ngaihtuah belh chhoh mek thu an sawi bawk.

Kawng endiktu Inspection Team te hi Pu Chawngthu Lalrinhlua SDC chuan hovin, PWD Serchhip Division SDO Pu Lalrinhlua bakah Sub-Hqrs. YMA Vice President Pu Lalrammuana leh a thawhpuite, Serchhip District MJA President Pu Kapliana Pachuau leh a thawhpuite, Serchhip Joint VC aiawhin Secretary Pu Lalrinmawia Khiangte leh KRAM Infracon Pvt.Ltd. General Manager Ayush Tiwari leh an Public Relation Officer(PRO) Pu Lalhruaitluanga te an tel a ni.