2058/2026-2027 

Dated Khawzawl, the 3rd September, 2026 : Vawiin khan Khawzawl Bawrhsap Pu K. Vanlalthiana kaihhruaiin DC Conference Hall, Khawzawlah PM-RAHAT Scheme chungchang sawihona meeting neih a ni.

PM-RAHAT Scheme hi lirthei chetsualnaa hliam tuarten man chawi lova (cashless) damdawiina enkawlna (treatment) an dawn theihna tura sawrkar laipui duan a ni a. Lirthei chetsualna tawkte rang taka enkawl an nih a, nunna a tam thei ang ber chhan a nih theih nana duan a ni.

He scheme hi a thlawna sumfai dawnna a ni lova, sawrkarin accident-a hliam tuarte inenkawlna man chu damdawiinah a pe (reimburse) dawn a ni. Lirthei chesual chu insurance nei emaw nei lo emaw accident tawk tawh phawt a huam vek a, Police-in a hmunah an enfiah hmasa phawt dawn a ni.

Khawzawl District chhunga damdawiin, heng District Hospital, Khawzawl, Sialhawk PHC, Biate CHC, Rabung PHC, Khawhai PHC leh Kawlkulh PHC ah te hian cashless-a treatment lak theih a ni a. State Health Authority-in an pawm hnuah hliam tuarte enkawlna senso hi damdawiinah pek (reimburse) a ni ang. He thutkhawmah hian Addl. SP Pu Zosangliana, Medical Superintendent Dr. Albert Lalhminghlua leh official dangte an tel a ni.