4110/2025-2026

Dated Khawzawl, the 22nd January, 2026: District Level Awareness Programme on PM Vishwakarma Scheme chu vawiin khan Khawzawl DC Conference Hall-ah neih niin Khawzawl Bawrhsap Pu K. Vanlalthiana chuan khualian niin a hawng.

He Awareness programme hi session hnihah then niin, PM Vishwakarma bakah MSME hnuaia scheme hrang hrang inhrilhhriatna hun hman a ni a. Khuallian Bawrhsap Pu K. Vanlalthiana chuan he programme hi a ngaihpawimawh thu a sawi a, a scheme hi hman tangkai thiam a tul zia a sawi bawk. Talent kan neihte hi eizawnna tlaka kan siam mai bakah nasa zawka kan talent te kan tih hmasawn a ngai a, chutiang kan theihna tur atana scheme pawimawh tak hi hrechiang a, hmang tangkai tur leh District dangte entawn tlaka he scheme hi tihlawhtling turin kalkhawmte a chah a ni.

PM Vishwakarma Scheme hian a tum ber chu India sawrkarin kutthemthiam in pho chhuah leh intundin nana an thiamthil hmang duh, sum leh pai nei lo bakah kalhmang hriat loh avanga ti thei lo te tanpui a ni a. Kutthemthiam leh hna thiamte tan training leh financial support pekte, an thil siam that zawng leh hralh tlak dan tihhmasawnte, Digital transaction leh e-commerce platform-a tanpuite, ₹3 lakh thleng loan, 5% interest rate-a pek te leh a dangte a ni. He scheme-ah hian ₹13,000 crore budget a nei a, kum 2027-28 thleng a awm ang.

Pu Samrat M. Jha, Assistant Director Gr-I i/c Br. MSME chuan thusawiin he scheme puala batti eng chhitna hun chu a kaihruai a. Sawm bik te hnen atangin PM Vishwakarma chungchang ngaihthlak a ni a, Technical Session in a zui a ni. Technical Session-ah hian Pu Lallawmkima, Lead District Manager, Khawzawl District; Pu Lalnuntluanga, State Head, IPPB, Mizoram; Dr. Lalliantluanga Ralte, Dept. of Education/Entrepreneur Cell Secretary, Khawzawl; leh Pu Samrat M. Jha, I.E.D.S., Assistant Director Gr-I i/c Br. MSME – DFO, Aizawl te hnen atangin Topic hrang hrang heng - Financial Literacy & Banking Procedure for Setting up of Enterprises tih te, QR Code generation for PM Vishwakarma Beneficiaries tih te, Digital Marketing, Digital Literacy, E-commerce on boarding tih te leh MoMSME Scheme-te hmangin presentation an pe a ni.

PM Vishwakarma hi Ministry of Micro, Small & Medium Enterprises (MSME), Ministry of Skill Development & Entrepreneurship (MSDE) leh Department of Financial Services (DFS) hnuaiah awmin Mizoramah chuan Commerce & Industries Department-in an enkawl a. He scheme hnuaiah hian kum 18 tling tawh, Sawrkar Laipuiin 18 traditional trades a tih zinga mi kuththemthiamna nei, sawrkar hnathawk ni lo chhungkua atangin mi pakhat theuh ziahluh theih an ni a. Central Sector Scheme niin loan hi cheng nuai thum thleng, interest rate hniam zawka lak theih a ni.

He awareness programme-ah hian Khawzawl District chhunga khaw hrang hrang atangin mi thahnem tak an lo kal a ni.