4109/2025-2026

AIZAWL The 22nd January, 2026 : Vawiin khan S.A.D. Conference Hall, MINECO ah State level Sub-Committee on Fire Prevention chuan kumin a Fire Prevention week hman dan tur an rel. Pu Lalthansanga, Chairman State Level Sub-Committee on Fire Prevention leh Minister EF&CC ni bawk chuan Meeting hi a kaihruai. Minister chuan kan ramngaw derdep tak te kangmei laka venhim nasat a tulzia sawiin kalkhawmte hnenah an ngaihdan leh tha leh zung senpui turin a sawm. Ecological balance vawnhim nana kangmei ven a pawimawhna te sawiin, a hun taka chet lak leh inhmakhua lawk a pawimawhzia kalkhawm te hnenah a sawi.

Pu NC Saravanan, Chief Conservator of Forest (Hqrs) in kum liamta a hmalakna hrang hrang report a pe a, kummin atana hmalak dan tur an sawi ho nghal bawk.

Kal khawmte chuan kumin atan February ni 9 atanga ni 13 chu Fire Prevention Week atan hman ni se an ti a, ni 9 ah a hawnna hun hman tur a ni ang. Kum 2026 Fire Prevention Week thupui atan “Nungchate chenna leh tui thianghlim min petu ramngaw kangmei lakah venghim rawh” tih chu thlan a ni.

State Level Meeting chuan March ni 15 aia tlai lovah lo hal zawh ni se, Lengpui leh a chhehvel a lo hal turte tan, tlai lam thlawhna thlawkchhuakleh tum  hnuhnungber hnu lamah chauh hal tur a tih a ni. Kum danga an lo tih thin dan anga Fire Prevention Award pawh sem leh nise tih an rel bawk.