1701/2024-2025

Khawzawl, dated 23rd August, 2024: Vawiin zing dar 11:00 am khan DC Conference Hall-ah Prime Minister's Employment Guarantee Programme (PMEGP) Awareness Campaign buatsaih a ni a, Khawzawl Deputy Commissioner Pu K. Vanlalthiana chu khuallian a ni.

He hunah hian khuallian DC Pu K. Vanlalthiana chuan thu sawiin PMEGP tangkaina mipuiten an hriat zau hi a pawimawh hle a tih thu a sawi a, awareness campaign a hlawhtlin ngei a mipuiin PMEGP hmanga eizawnna tha tak an neih theih a beisei bawk a ni.

Pu Lalchhuanawma, Branch Manager, MCAB, Khawzawl chuan PMEGP Scheme Branch chungchang a sawi a, Pu Lalnuntluanga, Assistant Manager, MRB Khawzawl Branch chuan MUDRA loan lak dan a sawi thung. Pu Richard Lalrinchhana, Branch Manager, Union Bank of India, Khawzawl Branch chuan PMFME, Start Up India leh Kisan Credit Card chungchang a sawi a, Pu Lawmkima, Lead District Manager, Champhai & Khawzawi District chuan NPA, CIBIL Score leh General Banking chungchang a sawi thung a ni.