324/2025-2026
Khawzawl, dated 25th April 2025: Vawiin chawhma dar 11 khan DC Meeting Hall-ah Prime Minister's Employment Guarantee Programme (PMEGP) hnuaia unit hrang hrang endikna (physical verification) chungchang sawi ho turin Khawzawl DC Pu K. Vanlalthiana leh bank leh KVI hotute an thukhawm.
He hunah hian Chairman Pu K. Vanlalthiana chuan PMEGP hnuaia dilna a luh belh zela verification tih zat a tam zel theih nan hmalak dan tur sawi ho turin member te a sawm a. Khawzawla KVIB thawktute leh bank thawktute'n hna an thawh dan te, portal lama buaina an tawh te, district chhung ni si mahni biala awm si lo tih te leh harsatna an tawh dang te an sawi. Chairman Pu K. Vanlalthiana chuan office hrang hrangin chanvo an neih avangin inbiak pawhna leh thawhhona tha zawk nei turin a fuih a, mipuiin an hlawkpui ngei theih a rin thu a sawi bawk. Harsatna an tawk a nih chuan DC Office-in tanpui turin an inring reng a ni tih a sawi a, KVIB leh bank lama thawktute an hnathawh chungchang khat tawka report pe zel turin a sawm bawk a ni.
He hunah hian Addl. DC Pu Lalfakzuala, SDO (Sadar) Pu Suvigya S. Chandra, SDC Pu Paul Rokima, Champhai Lead District Manager Pu Lawmkima leh KVIB leh bank aiawh te an tel a ni.
