323/2025-2026

Dated the 25th April, 2025 : Lok Sabha MP Pu Richard Vanlalhmangaiha chuan April ni 24, 2025 tlai khan Union Minister of State for Defence Pu Sanjay Seth chu a Pisa ah kawmin Mizoram tana thil tangkai tur tam tak an sawi dun.

He an inkawmnaah hian Pu Richard Vanlalhmangaiha a chuan Mizoram Chief Minister lo ngen tawhna bawhzuiin Mizoram a Territorial Army Unit din thuai a nih theih nana hmalakpui turin Union Minister hi a ngen a. MP ngenna hi Union Minister chuan lo ngaipawimawhin rang taka an ngaihtuah tur thu a lo hrilh bawk a ni.

Lok Sabha MP chuan Mizoram chu International Borders a awm a nih ang in Mizo mipui ten Indian Defence System kan hriat chian a tul hle thu sawiin hemi kawngah hian Mizoram Journalist Association (MJA) te chu India ram hmun hrang hrang a Defence Study Tour an neih theih nan a hmalakpui turin Union Minister hi a sawm a, Union Minister hian hma a lakpui ngei tur thuin a lo chhang bawk a ni.

Union Minister of State for Defence Shri Sanjay Seth chuan Pu Richard Vanlalhmangaiha chu Indian Defence Committee sang leh pawimawh tak tak pahnih Standing Commitee on Defence leh Consultative Committee on Defence a member a nih avanga a lawmpui thu leh Indian Defence tana theih tawp chhuaha a hun leh ngaihtuahna te seng turin a ngen bawk a ni.

MP hian Union Minister hi hun remchang a neih velah Mizorama zin turin a sawm bawk a ni.