2595/2026-2027 

Dated Khawzawl, the 9th October, 2026 : Nimin khan Mizoram Legislative Assembly-a Subject Committee-I Chairman Pu Lalmuanpuia Punte hoin Pradhan Mantri Matsya Sampada Yojana (PMMSY) hnuaia Khawzawl District-a Fisheries Department hna thawh hrang hrangte a hmunah tlawhin an endik a, Subject Committee-I member Dr. Lorrain Lalpekliana Chinzah, Pu Rasik Mohan Chakma, Pu K. Laldawngliana, Pu K. Hrahmo leh Pu Jeje Lalpekhlua te an tel a ni.

PMMSY hi kum 2020-21 atanga kalpui tawh a ni a, Fisheries Department chuan he scheme kaltlang hian District hrang hrangah Rs. 162 Crore hu hna a thawk tawh a. Subject Committee hian a thawh khatna atan Khawzawl leh Champhai District-a hmalaknate an tlawh a, Committee hi Assembly Secretariat leh Fisheries Department officer-te'n an ṭawiawm a ni.