2596/2026-2027

Aizawl, 8th October, 2026: Election Commission of India (ECI) thuchah angin Aizawl District chhungah vote nei thei si la inziaklut lo te leh kumtling tharte tan ni 8.10.2026 atangin Special Drive kalpui tan a ni dawn a. He Special Drive hi electoral roll-a hming la chuang lo, vote nei theite chhinchhiah a, an inziah luh theihna tura buatsaih a ni. Hei hian Special Intensive Revision (SIR) hmaa electoral roll-a hminglo awm tawh, mahse tun electoral roll-ah awm ta lo te, leh kum tling tharte pawh a huam ang.

Vote nei thei, la in ziak lut lo emaw, tun electoral roll-a hmingawm lo te chuan engtik lai pawhin Form 6 thehlut in an inziak lut thei reng a ni. Special Drive kalpui dan tur tlangpui chu a hnuaia tarlan ang hi a ni ang:

1. He Special Drive kalpui lai hian Booth Level Officer (BLO) te chuan an bial theuh a electoral roll leh pre-SIR electoral roll te khaikhinin, pre- SIR electoral roll-ah hming chuang mahse a hnua electoral roll-a awm tawh lo te an zawng chhuak ang a.BLO ten in tin tlawh chhuak in Electoral Roll ah ziah luh theih an nih chuan Form 6 theh lut turin an pui ang.
2. Chutiang bawkin, BLO ten an bial chhung theuh a kumtling thar roll-a ziah luh theih te pawh Form 6 theh lut turin an pui bawk ang.
3. He Special Drive hi mipui tarn thei ang ber ban phak a nih theih nan a tul angin Booth Level Camp te buatsaih a ni bawk ang.
4.  

Enrolment leh Special Drive chungchanga tanpuina mamawh emaw zawh fiah duh neite chuan an BLO/ERO/AERO te pan theih reng an ni.

He Special Drive hi hlawhtling taka neih a nih theih nan Aizawl District chhunga vote nei thei zawng zawngte chu he huntha hi hmang tangkai a, electoral roll-a an hming a awm ngei theih nan BLO te tha taka lo thawhpuia lo ngaihven turin kan inngen a.Mawh phurhna hrang hrang neitute - BLO, ERO leh AERO bakah Political Party te pawhin theih tawp chhuaha vote nei thei zawng zawng electoral roll-a ziahluh an nih theih nana thawkho turin kan inngenin kan inhriattir e.