2597/2026-2027

Dated : Mamit the 9th of October 2026 : Election Commission of India (ECI) thuchhuak angin Special Intensive Revision (SIR) kalzela hmalakna "Special Drive for Enrolment of Left-out and First-time/Young Electors" chu neih/kalpui tur a ni a.

i) Special Intensive Revision, 2026 chhunga chhan hrang hrang vanga delete tak te zawng zawng chu Election Office atanga pekchhuah leh a ni ang.

ii) Delete tak te zingah tihsual vang emaw delete loh tur delete palh emaw an awm leh awm loh chian tur a ni a. Delete sual an awm leh awmloh chian turin BLO ten House to House visit neih tur a ni a. Electoral Roll-a lut tlak an nih chuan Form-6 hmangin document kimchang nen Electoral Roll-a thunluh dilsak tur a ni.

iii) BLO ten House to House visit neih pah hian kum tling thar emaw Electoral Roll-a lut thar tur an awm leh awm loh te zawh chian tur a ni a, lut thei tur te chu Form-6 hmangin document kimchang nen Electoral Roll-a thunluh dilsak tur a ni. Qualifying date atan hian ni 01.07.2026 la hman chhunzawm tur a ni. (ni 01.07.2008 chin hmalam zawnga piang te electoral roll ah thun luh theih an ni).

iv) Electoral Roll-a thun luh emaw insawn lut thar tur te tan Declaration Form (Mapping Form) hman a ngai tawh lo. Mapping ngai tawh lovin, a pangngai anga kalpui leh tawh tur a ni.

Special Enrolment Drive hi ERO, AERO leh BLO te’n mahni bial theuhvah kalpui tur a ni a. Hemi chungchang hi mipuite pawh mahni lo in ngaihven tura hriattir leh ngen kan ni e.