672/2022-2023
Khawzawl 27th. May, 2022: Vawiin chawhma dar 11:00 khan Khawzawl District Executive Forces (DEF) leh 2nd. I.R. Battalion, Khawzawl tangkawp bultumin Khawzawl Electric Veng Branch YMA Hall-ah zu leh ruihhlo in harsatna a thlen dan inhrilhhriatna leh heng laka fihlim thei tura infuihna hun buatsaih a ni.

Police-te tana vawiina 'Awareness Campaign & Counselling Programme on ill effects of intoxicants/liquors/drugs etc' buatsaih Addl. S.P. Pu Lalringliana Pachuau kaihhruaiah Khawzawl S.P. Pu P.C. Lalchunglura chuan thu sawiin, zu leh ruihhlo te chu rilru leh taksa tana chhiatna thlentu a nih dan leh heng laka Police-te an lo fihlim theih zawkna turin inzirtirna programme buatsaih a ni tih a sawi a. Police-te chu ruihhlo leh a kaihhnawih laka fihlim tur leh programme buatsaih chu hlawkpui ngei tum turin a chah a ni.

He hunah hian zu leh ruihhloin chhiatna a thlen theih dante Khawzawl District Hospital Medical Officer Dr. Albert Lalhminghlua'n a sawifiah a. Rev. James Lalremmawia, Counsellor, FG&CC, Khawzawl-in Awareness Campaign leh Counselling a nei a ni.

Vawiin hun hmanah hian Khawzawl DEF leh 2nd. I.R. Battalion Staff-te an tel a ni.