204/2026-2027

Dated Khawzawl, the 18th April, 2026 : Vawiin khan India ram puma nu leh naute tana chaw tha ei pawimawhzia inhrilhhriatna, Poshan Pakhwada kalpui mek pualin Khawzawl ICDS Project chuan Electric veng YMA Hall-ah nausen thla 6 atanga kumkhat inkar inbawhvahsiakna leh ECCE Festival an hmang.

Vawiin hun hi Khawzawl CDPO Pi Esther Laltlinpuii chuan a kaihruai a. He hunah hian Poshan Pakhwada hman mek chungchang leh a pawimawhnate a sawi bakah ECCE pawimawhna sawiin Anganwadi-ah naupangte chu School kal turin zirtir a, kaihhruai thin an ni a, naupangte Anganwadi nuam an tih theihna tura naupangte kaihhruai a, enkawl thiam an pawimawh tih a sawi.

He hunah hian naupang inbawhvahsiakna (Crawling) neih niin a hmasa pathum hnenah lawmman pek an ni a. Hei bakah hian ECCE Festival-ah Anganwadi Centre 28 atangin Workers ten naupangte zirtirna tura an thil siam hrang hrangte an entir a, a thi tha zual 3 hnenah lawmman siamsak an ni bawk.