3997/2023-2024

Khawzawl, 28^th February 2024: Vawiin chawhma dar 11:00 khan Khawzawl DC Meeting Hall-ah Panchayati Raj Institutions- Community Based Organisation (PRI-CBO) Convergence chungchang inhrilhhriatna (Orientation programme) neih a ni a. Khawzawl DC Pu K. Lalrohlua kaihhruaiin Khawzawl District chhunga Line Department hrang hrang te an thukhawm a ni.

He hun hi Khawzawl Mizoram State Rural Livelihood Mission (MzSRLM) huaihawta neih a ni a. MzSRLM leh Line Department te hian thawhhona tur hrang hrang awm thei te thlirhoin an hmalakna leh hmachhawp te tarlanna PowerPoint Presentation hmangin an nei a. MzSRLM in Kerala-a an thawhpui National Research Organisation, Kudumbashree aiawhin Pi Suma S., Mentor, RP. KSNRO, PRI CBO Convergence Project chuan Project sawizauna hun a hmang bawk a ni.

PRI – CBO Convergence hian Village Council te leh Community Based Organisations (CBO) ten khawtlang hmasawnna leh thanna kawnga thawhhona tha an neih theih nana kaihhruai chu a tum ber a ni a. He Convergence hnuaiah hian CBO (Village Organisation, Self Help Group etc) ten Gram Panchayat Development Plan (GPDP) an buatsaih hnuaia Village Poverty Reduction Plan (VPRP) an siam chu ngaihpawimawh tur a ni bawk.

MzSRLM hian National Research Organisation, Kumdumbashree te nen thawkhoin PRI-CBO Project hi Serchhip leh Mamit District-ah te a lo kalpui tawh a. Tunah hian Rural Development Block 15 – Khawzawl, Serchhip, East Lungdar, Reiek, West Phaileng, Zawlnuam, Champhai, Khawbung, Hnahthial, Thingdawl, Bilkhawthlir, Tlangnuam, Thingsulthliah, Aibawk leh Kawrtethawvengah te kalpui a ni ve dawn ta a ni.