305/2025-2026

Khawzawl, dated 24th April 2025: Vawiin chawhma dar 11 khan DC Auditorium-ah Khawzawl DC Pu K. Vanlalthiana hovin Khawzawl Village Council (VC) leh YMA Branch hrang hrang te ran khuahkhirh chungchang sawiho turin an thukhawm.

DC Pu K. Vanlalthiana chuan ran enkawl uluk tawk loh avangin khawtlang a buai phah thin a, ui vak kual lo inhlei te, kawnglaia ui ek hmuh mai theiha awm te, vawk in enkawl tha lo rimchhe tak tak te hian khawtlang zahawmna a tichhia a ni tih a sawi a, khawtlang hruaitute an ngaihdan te, an thil tawn leh hmuh te leh hmalak dan tur sawi turin a sawm. VC leh YMA hotute chuan sawihona tha tak an nei a, kim takin ngaihdan an sawi thei a ni.

District Animal Husbandry & Veterinary Officer Dr. Ruby Ngurnunmawii Sailo chuan thu a sawi bawk a, dan ang taka ran khuahkhirh kalpui theih ngei a tul thu a sawi a, kutthlak emaw lo khawih nat emaw te hi danin a phal loh mai bakah thil tha lo tak a ni tih a sawi bawk a ni. DC Pu K. Vanlalthiana chuan khawtlang hruaitute an hun hlu tak senga he sawihona pawimawh tak nei tura an lo tel theih avangin lawmthu a sawi a, taima tak leh tangrual taka an thawh chuan khawtlang hriselna leh zahawmna an vawn him theih a rin tlat thu a sawi bawk a ni.
He hunah hian Addl. DC Pu Lalfakzuala, SDC Pu Paul Rokima leh SDPO Pu C. Vaninmawia te an tel a ni.