306/2025-2026

Dated Serchhip, the 24^th April, 2025: Vawin ni April ni 24 (Ningani) atang hian a thawh hnihna atan Chhiahtlang Secondary Collection Centre (SCC)-ah sawhthing buk tan a ni leh ta a. Sawrkar chuan Serchhip District Agriculture Marketing Board (DAMC) kaltlangin loneitute sawhthing thar chhuah chu a lei tan leh ta a ni.

DAMC in a lo rel tawh angin Serchhip District chhunga SCC hrang hrangah sawhthing lei hi chhunzawm leh tan mek a ni a. SCC te hian an bial theuha khaw hrang hrang te tharchhuah beisei zat leh SCC kudama leng thei zat chhut chungin lei zat tur an siam a. Serchhip District-ah vawiin atangin hmalak chhunzawm a ni. 

Chhiahtlang SCC bikah chuan tun karah hian Hriangtlang, Chhiahtlang leh New Serchhip South sawhthing te lei tan a ni a, tun karah hian Bag 2000 buk zawh hman tum a ni. Sawhthing buk tur te uluk taka en dik a ni a, bun ruah leh vek niin a tha lo leh hlui deuh te thliar hrangin, a chi siamna ang chi te chu pawm a ni dawn lo a ni.