1766/2026-2027

Dated Khawzawl, the 13th August, 2026 : Vawiin khan KVK Khawzawl Training Hall-ah sangha khawitute tan sangha dil sawngbawl dan leh sangha khawi dan inzirtirna buatsaih a ni.

He hun hi Dr. Malsawmkimi, Senior Scientist & Head, KVK chuan a kaihruai a, Khawzawl District chhunga khaw hrang hrang Panga (5) - Khawzawl, Kawlkulh, Rabung, Ngaizawl leh Tualpui khua atanga sangha khawitu kalkhawmte hnenah Khawzawl District-in sangha thar chhuah kawnga tun aia hma kan sawn theih zia leh District chhung tal sangha a kan intodelh a tul zia sawiin, KVK-a mithiamten Technology thar ber berte hmanga a tul dan apianga pui tura an inpeih reng thu a sawi bawk a ni.

He hunah hian Pi Vanlalhriatpuii, Subject Matter Specialist (Fisheries) chuan sangha dil sawngbawl dan leh enkawl dan chungchang (Fish Pond Management) zirtirna pein, tunlaiah sangha khawi dan chungchangah inzirtirna tam tak awm tawh mahse hlawk zawka sangha thar thei tura sangha khawina tur dil sawngbawl dan leh enkawl dan tur inzirtir a tul zia a sawi bawk.
Sangha khawitu kalkhawmte nen inkawmhona, zawhna leh chhanna hun hman anih hnuin Pi Vanlalnunhlui, SMS (Horticulture) chuan lawmthu sawiin hun a khar a ni.