1765/2026-2027 

Dated Khawzawl, 13th August 2026:  Vawiin  khan Khawzawl District chhunga Village Council leh Village Level Grievance Redressal Committee-te tan training ‘District Level Panch Sammelan Programme’ chu DC Conference Hall, Khawzawlah neih a ni a, Khawzawl Bawrhsap Pu K. Vanlalṭhiana, Khawzawl District Programme Coordinator (VBGRAM-G) ni bawk chuan khuallian niin a hmanpui a. Pu K. Lalhmuakliana, Additional Programme Coordinator (VB - G RAM G), Khawzawl District chuan hun a kaihruai.  

Khuallian Pu K. Vanlalthiana chuan thu sawiin, Village Council leh Village Level Grievance Redressal Committee training tura lo kal te hian mipuite tana rawngbawl an ni tih hre reng chunga hna an thawh chuan an hmalam huna he scheme an kalpui danah nasa takin kawngro a su-in awmzia a neih tur thu a sawi a. VBGRAM-G scheme hi mipuiten ei an hmuh theihna tura dik taka an kalpui theih nan training hlawkthlak tak hmang turin duhsakna a hlan bawk a ni.

He training-ah hian resource person-ten thupui hrang hrang hmangin zirtirna an pe a, Pu Timothy R. Lalhmangaiha, Programme Officer (VB - G RAM G) chuan VB-GRAM-G Act, 2025 kaltlanga Village Council-te mawhphurhna leh hna thawh dan te, Gramin Rozgar Guarantee Card pek chhuah dan leh hman dan te zirtirna a pe a. Pu James Ronghaka, Addl. Programme Officer (VB - G RAM G), BDO Office, Khawzawl chuan Viksit Gram Panchayat Plan (VGPP) siam dan leh a pawimawhna te, VB - G RAM G hnuaia Asset te enkawl zui dan tur te a zirtir a. Pu F. Malsawmtluanga, Rural Accounts Officer, DRDO, Khawzawl chuan Rural Development Programme hrang hrangte convergence-a kalpui dan tur te, Transparency, Social Audit leh Grievance Redressal kalpui dan te zirtina a pe bawk.

He training-ah hian khawtlang hmasawnna leh mipuite harsatna sutkian kawngah Village Council-te mawhphurhna a san zia tarlan a ni a. Khawzawl District chhunga Village Council leh Village Level Grievance Redressal Committee member-te an tel ṭha hle a. Pi Lalnunsangi, APO, DRDO Khawzawl chuan lawmthu sawiin he training hi a khar a ni.