1764/2026-2027

Siaha, 13th August 2026: July Ni 1, 2026 atanga MGNREGA thlaktu tura Sawrkar Laipui duan VB G RAM G chungchang inhrilhhriatna 'District Level Panch Sammelans' chu vawiin khan District Rural Resource Centre (DRRC) Hall, DRDO, Siaha-ah vawiin khan DRDO Project Director Pu M. Misael kaihhruaina hnuaiah neih a ni.

Vawiin hun hmannaah hian District Bawrhsap Pu VL Hruaizela chuan thu sawiin India ram chuan zalenna a hmuh atanga a kum 100 na; Kum 2047 ah Ram hmasawn (Developed Country ) nih a tum a, chumi ruahmanna ti hlawhtling tur chuan kawng hrang hrangah nasa takin hma a la mek a ti. India chu ram hmasawn chak ber pawl a ni mek a, hmasawnna tluantling leh rualkhai nei turin sawrkar department hrang hrangte thawhhona a pawimawh a tih bawk.

Siaha Block Development Officer Pi Zorinsangi chuan MGNREGS thlaktu VB-G RAM G nihphung leh a thiltum bakah Siaha a job card holderte dinhmun sawizauna a nei a, DRDO a Work Manager Pu C. Lalremruata chuan power point presentation hmangin India-in VB-G RAM G hmanga 'Vikshit Bharat 2047' nih a tum kawnga sorkar departmentte mawhphurhnate sawifiahna a nei bawk a ni.