4327/2025-2026

Khawzawl, dated 6th February, 2026 : Vawiin chawhma dar 11:00 khan KVK Khawzawl Training hall ah Scientific Advisory Committee (SAC) Meeting vawi 16-na neih a ni.

He hun hi Pu B.Ramnunsanga, Additional Director, Directorate of Agriculture & Farmers’ Welfare Mizoram chuan a kaihruai a, Dr. Malsawmkimi Senior Scientist & Head KVK chuan Achievement report pein Pi R. Vanlalduati, SMS (Soil Sc.), Pu Rambuatsaiha, SMS (Agronomy) leh Dr. Lalngaihawmi, SMS (Plant Protection) te chuan kum 2026 atana Annual Action Plan Power Point Presentation an pe a, Pu Simon Rosangliana, Deputy Director (Statistics) Directorate of Agriculture & Farmers’ Welfare Mizoram chuan he hun hi a hmanpui bawk a ni.

Krishi Vigyan Kendra (KVK) te hian kumtin SAC hi an nei thin a, he hunah hian Subject Matter Specialist ten kumkhat chhunga kuthnathawktute tana thlai chin tur tha leh enkawl dan tha zawk an zir chhuah theih tur an duang chhuakin zirchianna an nei thin a, hengte hi kuthnathawktute hnenah zirtirna an pe chhuak leh thin ani. He committee meeting ah hian Line Department atangin DAO, DHO, LRS&WC, Vety, DFO, Minor Irrigation, Divisional Forest leh Manager Lead bank Champhai District leh AMFU Farmers’ Represent telin KVK Khawzawlin Action Plan 2026 an neih chu an pawmpui a ni.