1170/2026-2027

Dated Khawzawl, the 24^th June, 2026 : Vawiin khan Khawzawl District Election Officer, Bawrhsap Pu K. Vanlalthiana chuan Special Intensive Revision 2026 chungchangah Khawzawla chanchinbu mite press briefing a neihpui.  

DEO Pu K. Vanlalthiana chuan SIR 2026 kalpui dan tur ECI ruahmanna leh Khawzawl District thlen chin tarlangin, Khawzawl District chu Mizoramah Enumeration Form digitization ti zo hmasa ber district a nih thu a sawi a. 

SIR 2026 buatsaihna atan 2005 Electoral Roll hman a nihna chhan chu 2005 kum hi Special Intensive Revision neih hnuhnun ber a nih vang a ni a. SIR 2026 atana form pawimawh chi hrang hrang a hnuai a mi ang hian print a sem chhuah tawh a ni.

      Enumeration Form -35962 Nos

      Form 6 - 2000 Nos

      Form 7 - 2000 Nos

      Form 8 - 2000 Nos

      Annexure IV (Declaration) - 2000 Nos

Form pawimawh zawng zawng hi 22nd May, 2026 khan BLO te kutah hlan vek tawh niin Mizorama form sem zo hmasa chu Khawzawl District a ni. SIR 2026 buaipuitu official-te tan training chi hrang hrang neih a nih tawh dan chu:

1. 18th May, 2026-ah ERO leh AERO te tan Chief Electoral Office, Mizoram in Aizawlah Training a buatsaih.
2. 20th May, 2026-ah 22-Tuichang (ST) AC huam chhunga BLO-te tan Online Training buatsaih a ni.
3. 22nd May, 2026 khan 22-Tuichang (ST) AC huam chunga BLO-te tan DC Conference Hall-ah Training buatsaih niin, SIR 2026 atana forms pawimawh leh BLO Kits te inhlanna neih a ni bawk.

May ni 30, 2026 atang khan Enumeration Phase kalpui tan niin BLO ten house to house visit neiin Enumeration Form sem, lakkhawm ieh Upload kapui a ni a. Vawiin ni thlenga Enumeration kalpui tawh dan hetiang hi a ni.

1. Enumeration Form sem: 22/2 Khualen leh 22/8 Khawzawl Arro bial chhungah Enumeration Form sem zawh hmasak ber niin June ni 1, 2026 khan sem zawh nghal vek a ni a. 22-Tuichang (ST) AC huamchhungah June ni 5, 2026 khan Enumeration Form sem zawh vek a ni.
2. Form lakkhawm leh digitize (upload) hi kalpui chhunzawm nghal niin 22/4 Khawzawl Darngawn-II bialah digitization zawh hmasak ber niin June ni 8, 2026 khan digitization hi zawh fel a ni a, 22-Tuichang (ST) AC huam chhunga part zawng zawngah 14th June 2026 khan digitization zawh fel niin, Assembly Constituency leh District Level-ah Mizorama Enumeration form digitization zo fel hmasa ber kan ni.

Enumeration Form upload tawh hi chi hnihah - Enumeration Form Digitized leh Uncollectible Enumeration Form tiin then a ni. Tun dinhmuna bial chhunga voter la cheng, enumeration form fill up a thehlut zawng te hi Enumeration Form Digitized tih huang chhungah hian an tel a, Voter thi tawh emaw pem tawh emaw an awmna chin hriat loh emaw E-roll a chuang duhlo emaw te hi Uncollectible Enumeration Form hnuaiah dah an ni thung.

Enumeration Form Digitized hi 17540 niin enumeration form print chhuah atangin 97.6% a ni. Heng Enumeration form digitized te hi chu draft roll-ah pawh an chuang chhunzawm dawn a ni.

Enumeration Form digitized atangin 2005 Electoral roll nen voter thlunzawm dan hetiang hi a ni:

1. 2005 Electoral roll a chuang (self mapping) - 8314 (46.24%)
2. 2005 Electoral roll a thlahtute chuang (progeny) -8710 (48.44%)
3. 2005 Electoral roll nena thlunzawm theihloh -517 (2.88%)
4. Voter awm zawng zawng 100% mapping thei hi part pahnih awmin 28-Vangtlang leh 29-Tlangmawi te an ni.

Part wise/ Polling station tin a vote awm dan atanga chhutin mapping sang leh mapping theilo tamna hetiang hi a ni :

 Uncollectible Enumeration Form hi a vaiin 441 (2.4%) a awm a, a chhan hrang hrang hetiang hi a ni :

1. Death - 181 (1.01%)
2. Shifting - 96 (0.53%)
3. Already enrolled - 68 (0.38%)
4. Absent (chin hirat loh) - 84 (0.47%)
5. Others (roll a awm duhlo)- 12 (0.07%)
6. Uncollectible nei tam ber hi 35-Sialhawk III niin avaiin form 35 collect theiloh an nei a ni (5.51%)

Part wise/Polling station tina vote awm dan atanga chhutin Uncollectible Forms nei tam te

1. Death : 25-Chalrang (17 voters, 3.01%)
2. Shifting : 35-Sialhawk I (17 Voters, 3.13%)
3. Already enrolled : 17-Hermon-II (8 Voters, 1.75%)
4. Absent : 15-Khawzawl Vengthar III (20 voters, 3.16%)
5. Others : 35-Sialhawk I (6 Voters, 1.10%)

Digitization tih zawh zat hi Draft Roll tihchhuah a nih hma chu hemi hun chhunga boral emaw, chin hriat loh lo lang leh si emaw chhan dang hrang hrang vangin a la danglam thei a. 4 July, 2026 ah draft roll tangzarh a ni ang a. Tin, 4th July, 2026 atanga 4th August, 2026 thleng hian form chi hrang hang thehluh theih a ni dawn a, hemi hun chhung hian heng a hnuaia mite tan hian form thehluh theih a ni ang:

1. Draft roll-a chuang ve hmanlo kum tling thar emaw Enumeration Form thehlut ve hman lote tan Form-6.
2. Electoral roll atanga paih ngai, draft roll a chuang si an awm chuan delete dilna Form-7 a thehluh theih ang.
3. Electoral Roll a chuang tawh engemaw tih dikloh siam that (correction) ngai nei tan siamthat dilna Form-8 a thehluh theih.
4. Draft roll chhuah laia vote neihna hmun leh tuna chenna hmun inang lo tan in sawn (transfer) Form-8 dil theih a ni.
5. Form hrang hrangte hi bialtu BLO hnenah a lak theih reng a, tin ECINET application hmangin online pawhin a thehluh theih reng a ni.

Tun thlengin Special Intensive Revision 2026 kalpui dan chungchangah harsatna lian tham la tawk lovin, official zawng zawngte inpekna leh khawtlang hruaitute leh vote nei zawng zawngte thawhpuinaah DEO chuan lawmthu a sawi a. He revision hi a hun takah tluang taka zawh theih beisei a ni.