1171/2026-2027

Dated Aizawl,25th June, 2026: Border Security Force (BSF)-te chuan 'Spandan District Level Sub-Junior Football Tournament' chu June ni 10,2026 atanga ni 23, 2026 chhung khan Tlabung-ah leh Barapansuri khua, Lunglei leh Lawngtlai district-ah te an buatsaih a, tluang taka neih zawh a ni.

Inelnaah (Tournament)-ah hian huang (category) hnih mipa leh hmeichhia awmin, hmeichhe huang (Girls’ category)-ah hian team riat telin, Baransapuri village stadium-ah June 10 atanga june 13 chhungin khelh niin, Baransapuri -II team chu pakhatna an ni a. Mipa huang (Boys’ category)-ah hian team sawmpakhat telin, June 17 atanga June 23 chhung khan Tlabung Village Stadium-ah khelh niin, Zodin SC-B team chu pakhatna an ni thung a ni.

Inelna hi BSF-te hmalakna pawimawh tak niin, a tum chu ramri depa awm thalaite’n infiamna huangah hmasawnna leh hlawhtlinna an hmuhtheihna tura hun tha siam sak leh khawtlangah inlungrualna leh inpawhna thuk zawk a awm theihna tura buatsaih thin a ni. Inelna neih zawh takah hian tualchhung thalai thahnem tak telin, he hmalakna in a tum ramri depa awm thalaite infiamna kaltlanga inelna thianghlim zirtir leh khawtlang nuna hruailuh chu a hlawhtling hle a ni.

Inelna kharna inkhawmah hian BSF hotute leh a chhehvel khua atanga Village Council President (VCP)-te’n an telpui a, Inelna tluang taka neih a nih theihna tura tha leh zung sengtute chungah hotute chuan lawmthu an sawi a. Chakna changtu team-te leh mimal chetha te hnenah chawimawina hlan a ni.