1172/2026-2027

Dated Hnahthial, the 25th June, 2026: Vawiin dar 09:15 a.m. khan Hnahthial zirlai naupangte leh zirtirtute chuan Ruihhlo leh Ruihhlo Tawlhruk Dona Kawngzawh – Grand Rally chu Hnahthial khawchhung hmun hnih – Nauhruaikawn leh Electric Veng Volleyball Court atanga neiin Bazar Shed kawtah inhmukhawmin programme hman nghal a ni a. Hnahthial District NMBA Committee Chairman leh Bawrhsap ni bawk, Pi K.Vanlalruati chuan he hun puala thusawina hun hmangin Pu Joseph Zokunga, Dy. District Project Coordinator, Samagra Shiksha, Hnahthial chuan hun a kaihruai a ni.

Bawrhsap chuan Nasha Mukt Bharat Abhiyaan chungchang sawi zauna neiin NMBA bitum ber chu thalaite, hmeichhiate, naupangte, zirna in hrang hrang a zirlaite, tlawmngai pawlte leh khawtlang mipuite an nih thu a sawi a. Tun hma chuan ruihhlo do turin pawl tlem te chauh an thawh chhuah thin thu sawiin tunah chuan khawtlang mipuiten tangrualin ruihhlo kan do ta chu lawmawm a tih thu a sawi a. Mizoram chu ruihhlo dona kalkawnga awm kan nih avangin mipuite, kohhran leh sawrkar chu tanrual a tul thu sawiin ruihhlo do nana sawrkar hmalak hrang hrangte a tarlang nghal a ni.

Damdawi hmansual pawina te tarlangin zirlaite chu ti ve chhin ngai lo turin a chah a, damdawi hriatchian loh chu lo ei ve tawp lo tura chahin damdawi tha lo leh damdawi hman sual lakah inthiarfihlim zel turin zirlaite chu a chah bawk a ni.

Pu H. Hmingthanzuala, Master Trainer, NMBA chuan zirlaite tan ruihhlo that lohna leh tichhin pawizia zirtirna hun a hmang a, hemi zawh hian Ruihhlo laka fihlim tura intiamna - NMBA Pledge chu lak niin pledge lakna hi programme chairman, Pu Joseph Zokunga chuan a kaihruai a ni.

NMBA puala Drawing Competition, Middle leh High & Higher Secondary School te tana buatsaih lawmman semna hun hman nghal niin Pu F.Lalrinfela, DIPRO chuan semna hun hi a kaihruai a. Lawmman dawngtute chu: 

Middle school Category:

1. C Lalruatsangi, Class VIII, Presbyterian English School

2. Remruatfeli, Class VIII, Presbyterian English School 

3. Lalrinsangi, Class VIII, Nuchhungi English Medium School

 Consolation Prize: 

Esther Lalremruati, Class VIII, St. Stephen High School

Christy Lalmawikimi, Class VII, Govt. Middle School

High & Higher Secondary School Category :

1. C Hmingthanpuii, Class XI,  FD Higher Secondary School

2. F. Lalhriatsanga, Class XI, Moriah Public School

3. H lalhriatpuii, Class X, St Stephen High school

Consolation Prize:

C. Lalhriatsaki, Class X, Moriah Public School

Lalruattluangi, Class IX, Govt. Southern High school

An vai hian Citation dawngin Pakhatna hian Rs 3000 a dawng a, pahnihna in Rs 2000 dawngin pathumna hian Rs 1000 a dawng a ni .Consolation prize hian Rs. 500 leh citation a keng tel bawk.

He Grand Rally-ah hian School sawm leh pathum (13) atangin zirlai zali sawmkua leh pali (494) leh zirtirtu  sawmhnih leh paruk (26) ten kawng an zawh a ni.