1173/2026-2027

Aizawl, the 25th June, 2026: June ni 22-24, 2026 chhung khan College of Veterinary Sciences & Animal Husbandry, CAU, Selesih-ah Central Agricultural University (CAU), Imphal, Joint Council Meeting eeting pawimawh tak tak pathum- 15th Research Council Meeting (RCM), 11th Extension Education Council Meeting (EECM) leh 33rd Academic Council Meeting (ACM) te tluang taka neih a ni.

Heng meeting pawimawh pathumte hawnna hun June ni 22, 2026 a neih chu Mizoram Larsap, General (Dr) Vijay Kumar Singh, PVSM, AVSM, YSM (Retd) chuan Khuallian niin a hmanpui a. Hemi hnu hian CAU Imphal Director of Research, Director of Extension Education leh Director of Instruction-te ruahmannain University hmalakna leh hmabakte sawi hona hun neih zui a ni.

15th Research Council Meeting-ah hian Central Agricultural University hnuaia zirna peng hrang hrangte atangin zirbingna (research) an neih tawh atanga hlawhtlinna an hmuh leh hmachhawpte tarlan a ni a. Agriculture, Horticulture, Fishery, Forestry, Animal & Veterinary Science atanga Research Team Leader atana ruat mi hrang hrang ten hun hmangin hmasawnna tur ni a hriatte sawi hona hun hman zui a ni.

Extension Education Council Meeting vawi 11-na ah hian Chemical Free Village chungchangte, extension activites lama hmasawnnate leh hmalakna tur kawng hrang hrangte sawi ho a ni a. Academic Council Meeting, vawi 33-na ah hian curriculum siamthat chungchangte, academic regulation leh agricultural education quality tihhmasawnna turte sawi ho a ni bawk.

Meeting tawp ni nimin June ni 24, 2026 khan Central Agricultural University (CAU) Imphal hnuaia college hrang hrang 13-a Dean-te atangin an enkawl college theuha hma an lak dante leh hlawhtlinna an neihte ngaihthlak a ni bawk.

Meeting kharna hi nizan khan Dr. Anupam Mishra, Vice-Chancellor, CAU kaihhruaia neih niin, Joint Council Meeting atana sawm external expert leh special invitee-te hnen atangin thusawi ngaihthlak a ni.

CAU Joint Council Meeting-ah hian Constituent College hrang hrang 13 atangin mithiam 100 chuang an tel a. Central Agricultural University hmasawn zelna tur thil pawimawh hrang hrang zir hona leh sawi hona hun hlawkthlak tak an hmang a ni.