No.81/2021-2022
Khawzawl, the 9th April, 2021: Vawiin khan Zuchhip Branch YMA Hall, Khawzawlah Deputy Commissioner’s office leh MZU Incubator Centre (MZUIC) te buatsaihin 'Mizoram Skill Development and Entrepreneurship Plan' siamna tura pawimawh tak, 'Baseline Survey' chungchang Village Council member te hnena hrilhfiahna hun hman a ni.
Vawiina Baseline Survey inhrilhfiahna hun hi Pu H. Lalramenga, SDC, District Labour and Employment Officer ni bawk chuan a kaihruai a. Sawrkar laipui scheme PMKVY 3.0 hnuaiah thalai hna nei lo te'n thiamna (Skills) an neih theih nan hna chi hrang hrangah training kalpui tur a ni a, Khawzawl District thalaite tan pawh District Skill Committeee pawhin ‘Job role’ pariat a thlangchhuak tawh a ni, a ti a. Skill Development and Entrepreneurship Plan dik leh tha duanchhuah a nih theih nan Village Council-te chuan mawhphurhna pawimawh tak an nei a ni, a ti bawk.
He hunah hian MZU Incubation Centre atanga Enumerator lo kal – Dr. Manzamawii leh Pi Gracy Zosangliani ten VC member kalkhawmte hnenah Baseline Survey tana pawimawh chi hrang hrang an hrilhfiah a, hun hlimawm leh hlawkthlak tak hman a ni.
Vawiina training-ah hian Khawzawl District-a Village Council 33 aiawhte an tel a. Covid-19 dona tura Indian Red Cross Society atanga sahbawn dawn chu VC te hnenah hian sem nghal a ni bawk.
Attachment
- Loading attachment...
