1297/2026-2027

Dated Khawzawl, the 4th July, 2026 : Vawiin khan Khawzawl District Election Officer (DEO) Pu K. Vanlalthiana chuan Mizorama Special Intensive Revision 2026 kalpui meka 22-Tuichang AC chhunga Enumeration Form thehluttu zawng zawng hming chuanna Draft Electoral Roll chu DC Conference Hall-ah a tlangzarh a. Electoral Registration Officer (ERO) Pu Chandrakant Bagoria, Assistant Electoral Registration Officer (AERO) Pi Lalthanpari Khawlhring leh political party aiawhte hnenah copy khat theuh a hlan bawk a ni.

DEO Pu K. Vanlalthiana chuan Electoral Roll thianghlim leh felfai kan neih theihna tura thawktu ERO, EO, AERO, BLO-te leh staff-te zawng zawng chungah lawmthu a sawi a. Khawzawl District chu Mizoramah SIR 2026-ah hian a titha pawl a nih thu leh Enumeration Form digitization ti zo hmasa ber a nih thu a tarlang a. Vawiinah Draft Electoral Roll hi BLO-te kuta hlan kim vek a nih theih nan motor pathumin khaw tinah semchhuah hna an thawh tur thu a sawi bawk.

AERO Pu Chandrakant Bagoria pawhin Khawzawla SIR 2026 kalpui a nih dan sawina hun neiin, mipuite chu Draft Roll-ah an hming a chuang ngei em, siamthat ngai a awm em tihte en turin a chah a. Claims and Objections (July 4 – August 4, 2026) chhungin Form hrang hrang a hnuaia tarlante hmangin inthun, paih leh siamthat dilna form a thehluh theih thu a tarlang bawk.

Form-6 : Draft roll-a chuang ve hmanlo kum tling thar emaw Enumeration Form thehlut ve hman lote tan
Form-7 : Electoral roll atanga paih ngai, draft roll a chuang si an awm chuan delete dilna
Form-8 : Electoral Roll a chuang tawh engemaw tih dikloh siam that (correction) ngai nei tan siamthat dilna
Form-8 : Draft roll chhuah laia vote neihna hmun leh a hnua chenna hmun inang lo tan insawn (transfer) dilna
Form hrang hrangte hi bialtu BLO hnenah a lak theih reng a, ECINET application hmangin online pawhin a thehluh theih reng a. Hemi hun chhunga dilna form lut zawng zawng hi Representation of People Act 1950, Registration of Electors Rules 1960 leh Election Commission of India (ECI) thupek angin uluk takin an endik dawn a ni tih ERO chuan a tarlang bawk.

Election Officer (EO) Pu Timothy R. Lalhmangaiha chuan SIR 2026 Draft Roll chungchang report a pe a.
1. Electoral Roll tlangzarh hnuhnung ber hi January ni 5, 2025 kha niin, hetah hian 22-Tuichang (ST) AC huam chhung a vote nei awm dan chu hetiang hi a ni.
i. Mipa - 8838
ii. Hmeichhia - 8959
iii. Total - 17797
2. 2025 kuma draft roll tlangzarh a nih hnu hian kum tluanin continuous updation kalpui a ni a. Hemi hun chhung hian electoral roll-a ziahluh leh paih kalpui char char niin, SIR 2026 kalpui a nih hma, 20th May 2026 hma lam thlenga 22-Tuichang AC electoral roll dinhmun hetiang hi a ni.
a) Electoral roll a thun luh (kumtling thar leh insawn lut) zat:
i. Mipa - 108
ii. Hmeichhia - 167
iii. Total - 275
b) Electoral roll a tanga paih (thi, pem, chin hriatloh etc) zat:
i. Mipa - 69
ii. Hmeichhia - 22
iii. Total - 91
c) Electoral roll a chuang zat:
i. Mipa - 8877
ii. Hmeichhia - 9014
iii. Total - 17981

3. May ni 20, 2026 atanga Special intensive Revision, 2026 kalpui a nih khan Enumeration Form hi Voter 17981 tan copy hnih zel print a sem chhuah a ni a. BLO te’n 30th May 2026 atanga 28th June, 2026 chhung khan in tinah kalin enumeration form hi an semin an lakhawm leh bawk a ni.

4. Enumeration Form semchhuah atanga ditgitized theih leh digitized theihloh awm dan a hnuai ami ang hi a ni:
a) Enumeration Form Digitized theih zat:
• 2005 Electoral roll a chuang zat – 8315 (46.24%)
• 2005 Electoral roll a thlahtute chuang zat - 8713 (48.46%)
• 2005 Electoral roll nen a thlunzawm theihloh - 519 (2.89%)
• TOTAL - 17547
i. Tlangmawi leh Vangtlang khuaah hian voter awm zawng zawng mapping (100%) tih theih a ni a, Mapped theihloh ngah ber chu Khawzawl Vengthar III niin voter 61 chu 2005 e-roll nen thlunzawm theih an ni lo. He polling station a vote nei awm zat atanga 10% a tling a ni.
ii. Khawzawl District chu Enumeration Form digitized zo hmasa ber niin 14th June 2026 khan digitization zawh fel a ni.

b) Enumeration Digitized theihloh (Uncollectible Enumeration Forms):
• Thihna (Death) - 182 (1.01%)
• Pem/Insawn (Permanently Shifted) - 93 (0.52%)
• Awmna chin hriatloh (Absent/Untraceable) - 75 (0.42%)
• Hmun khat aia tama vote nei (Already enrolled)– 72 (0.40%)
• Chhang dang (Others) - 12 (0.07%)
• TOTAL - 434 (2.41%)
i. EF form collect theihloh mipa voter awmzat - 199
ii. EF form collect theihloh hmeichhe voter awmzat - 235
iii. Enumeration Form hi digitized theihloh neilo an awm lova, 22/36-Sialhawk-I hian Uncollectible EF ngah berin 36 lai a awm a, he polling station a bote nei awmzat atangin 6.62% a ni.

5. Special Intensive Revision 2026 Draft Roll-a chuang te hi Sl.no 4(a) Enumeration Form Digitized theih mi 17547 te hi an ni a. SL.no 4(b) hnuaia Uncollectible te hi chu paih anni thung.

6. SIR 2026 Draft Roll kimchang chu hetiang hi a ni.

a) Voter Demography
Sl. No Particulars
1 Mipa vote nei zat 8678
2 Hmeichhe vote nei zat 8869
3 Vote nei zawng zawng zat 17547
4 Mipa vote nei 1000 zel a hmeichhe vote nei awm zat (Gender Ratio) 1022
5 2025 Final Roll atanga punna/kiamna -250(1.40%)

b) Age-Cohort:

 c) Draft Roll a chuang, 2005 electoral roll nen a thlunzawm theihloh te hi hearing turin ERO in a ko ang a, India khua leh tui an ni tih an tihchian theihloh chuan Form-7 hmangin suo-moto a deletion kalpui tur an ni ang a, Final electoral rollah an chuang thei lovang.

d) Draft roll hi BLO, BLA leh NGO ten uluk takin zirchian tur a ni a, India khua leh tui nilo, draft roll a chuang an awm anih chuan a rang thei ang berin Form-7 BLO/ERO hnenah submit tur a ni a. Form-7 hi voter paih tur awmna booth/part a vote nei tupawhin an thehlut thei a ni.

e) 01.07.2026 a kum tling thar leh chhan enge maw avanga roll atanga paih, electoral roll a chuan dil tur tan Form-6 hmangin vawiin July ni 4, 2026 atanga August Ni 4, 2026 thleng BLO hnenah dilna thehluh theih a ni a. Form 6 rual hian Annexure-Iv thehluh tel zel tur a ni .

f) Form - 6 theh lut tu hi kum tling thar a nih a, a nu leh pa te tun SIR a 2005 roll nen thlunzawm theih an nih loh chuan, ama document pangngai thil tel tur piah lamah a nu leh pa te India khua leh tui nihna ti chiang thei tur document a thehluh ve ve a ngai dawn a ni.

7. Service Voters:
i. 2025 Final Electoral Roll a chuang zat - 88 Voters
ii. 2026 SIR 2026 Draft roll a chuang zat - 85 Voters
iii. Kiamna - 3 Voters

AERO Pi Lalthanpari Khawlhring chuan lawmthu sawiin hun a khar a. He hunah hian ZPM, INC leh MNF party aiawhte leh SYMA, MUP, MJA leh MHIP aiawhte an tel bawk a ni.