628/2026-2027 

Dated Khawzawl, the 20th May, 2026 : Vawiin khan Khawzawl Bawrhsap Pu K. Vanlalthiana, District Election Officer (DEO) ni bawk kaihhruaiin Khawzawl district chhunga Special Intensive Revision (SIR) kalpui dan tur sawihona thutkhawm neih a ni a, Addl DC Pu K. Zorammuana, Deputy DEO ni bawk leh SP Pu F. Lalbiakzauva te an tel a ni.

 Pu K. Vanlalthiana chuan electoral roll revision hi langtlang taka kalpui a pawimawh thu sawiin, field level-a thawktu turte theihtawp chhuah turin a fuih a. SIR hna hi a hautak em avangin Booth level officer-te chu Booth Level Agent leh NGO-te pawhin theih ang anga lo pui turin a chah bawk. 

 Vawiin thutkhawmah hian Election Officer Pu Timothy R. Lalhmangaiha chuan SIR chungchang leh a tangkainate, SIR 2026 schedule leh kalpui dan tur te, Enumeration form chungchangte, ERO, AERO leh BLO mawhphurhna te a tarlang a ni. 

 SIR 2026-a tihtur leh ni pawimawh te:

1. Qualifying date of SIR - 01.07.2026 a kum tling chin
 2. House to House Visit by BLOs - 30.05.2026 to 28.06.2026

  • BLO ten in tinah kalin Voter tinte tan Enumeration Form an sem ang a, dah khah (Fill up) a nih hnuah an lakhawm leh ang, an va kalna te an awm lo a nih chuan vawi thum thlengin a tul dan a zirin an kal nawn ang. Enumeration Form thehlut lo te chu Draft E/Roll ah an tel ve lovang.
  • House to House Enumeration tih chhung hian:
    1. BLO ten Enumeration Form bak elector te document engmah an lakhawm a ngai lo.
    2. E/Roll a in ziak lut thar thei tawh te tan BLO ten Form 6 leh Declaration Form ruak an pe thin ang.

3. Publication of Draft Electoral Roll - 05.07.2026

  • BLO ten Enumeration Form an sem thehlut (Submit) zawngte chauh Draft E/Roll ah an chuang ang.
     

4. Period of filing Claims & Objections - 05.07.2026  to 04.08.2026

  • ERO/AERO ten E-Roll 2026 kan hman lai mek a chuang, 2005 E-Roll a nu/pa/pi/pu thlunzawm tur nei lote leh thlunzawm tawh sa zinga felhfel awm nia an hriatte chu claims and objections/Notice phase chhung hian document tul leh pawimawh te an endik leh ang. Heng bakah hian vote nei thar thei tawh, July ni 1, 2026-a kum tling chinte pawhin hemi hun chhung hian an dil thei bawk ang.     

5. Notice Phase/Disposal of  Claims & Objections - 05.07.2026 to 02.09.2026  

6. Publication of Final Electoral Roll - 06.09.2026

Special Intensive Revision (SIR) kalpui dan tur tlangpui te:

  1. Special Intensive Revision ah chuan Electoral Roll hi a thar hlaka buatsaih tur a ni.
  2. Chutihrual chuan tuna Electoral Roll kan hman mek leh kum 2005-a Mizorama Intensive Revision kan neih tuma Electoral Roll behchhan tur a ni ang. Tuna electoral roll hman meka hming chuang ten enumeration form hmangin electoral roll-a ziahluh an dil thei ang. 
  3. Kum 2005-a Mizorama Intensive Revision neih tuma Electoral Roll-a hming chuanna phek 2005 Electoral Roll hi voters.eci.gov.in ah a en theih
  4. Electoral Roll siam thar turah hian Enumeration Form hmangin hming ziah luh dilna thehluh tur a ni a, tuna Electoral Roll kan hman lai meka hming chuang ten Enumeration Form hi thehluh tur a ni.
  5. Electoral roll hmanlai meka hming chuang lo te erawh in Form 6 leh Declaration Form hmangin Electoral roll-a hming ziahluh an dil a ngai ang.
  6. Enumeration Form hi BLO/Booth Level Agent (BLA) ten in tinah an sem ang a, dahkhah hnuah BLO ten anla khawm leh ang.
  7. Enumeration Form thehlutte chuan an EPIC ngai an ring thei ang a, EPIC thar pek chhuah an ngai lovang. (Hemi chungchangah hian Election Commission of India chuan thuthar a neih leh neih loh ngaihchan a ni)
  8. Hun tiam chhunga Enumeration Form thehlut lo erawh chuan Form-6 hmangin Electoral Roll-a hming ziah luhthar an dil a ngai dawn a, EPIC thar pek an ni ang a/ an EPIC number ngai an ring thei lovang.
  9. Enumeration Form thehluh rual hian document engmah thil tel a ngai lovang.
  10. ERO chuan Enumeration Form thehluttu zawng zawng hming chuanna draft Electoral Roll a buatsaihin a tichhuak ang a, hemi copy hi Electoral Registration Officer (ERO)/Asst. Electoral Registration Officer (AERO) office, District Election Officer/DC office-ah leh voters.eci.gov.in ah en theih a ni ang.
  11. ERO-in uluk taka Enumeration Form-te a enfiah hnuah Enumeration Form thehlut zingah SIR 2005 Electoral Roll-a an detail (anmahni emaw an chhungte) awmlo emaw detail dang inmillo an awm chuan ERO-in notice a pe ang a, ERO hmaah hearing neih tur a ni.
  12. Hearing-ah mahni nihna (detail) tih chian nan a hnuai ami ang hian document thehluh tur a ni

Ni 01.07.1987 hma lama India-a piang tan

•    A hnuaia list atang hian document eng pawh mahni pianni emaw pianna hmun tih chianna tur document thehluh tur

India ramah Ni. 01.07.0978 leh 02.12.2004 inkara piang

•    A hnuaia list atang hian mahni document eng pawh pianni emaw pianna hmun tih chianna tur thehluh tur

•    A hnuaia list atang hian nu emaw pa emaw document eng pawh pianni emaw pianna hmun tih chianna tur document thlang rawh

Ni. 02.12.2004 hnu lamah India rama piang

•    A hnuaia list atang hian mahni document eng pawh, pianni emaw pianna hmun tih chianna tur document thehluh tur

•    A hnuaia list atang hian document eng pawh, mahni pa pianni emaw pianna hmun tih chianna tur document thehluh tur

•    A hnuaia list atang hian document eng pawh, mahni nu pianni emaw pianna hmun tih chianna tur document thehluh tur

•    Nu emaw Pa emaw Indian an nih loh chuan i pian laia an Passport copy thehluh tur

India ram pawna piang tan (Ram pawna India Mission-in Birth Registration a pek chhuah finfiahna thiltel tur)

Registration/Naturalization hmangin India khua leh tui nihna nei tan. (Certificate of Registration of Citizenship thehluh tur)

Document thehluh theih te –

i.    Central/State Sorkar/PSU eng pawha regular employee/pensioner hnena Identity

ii.    Card/Pension Payment Order pek chhuah apiang.

iii.    Sawrkar hnuaia Bank/Post Office/LIC/PSU ten 01.07.1987 hmaa Identity Card emaw

iv.    Certificate emaw Document emaw an pek chhuah

v.    Thuneitute hnen atanga Birth Certificate pek chhuah

vi.    Indian Passport

vii.    Board/University pawrnpui Matriculation/Educational certificate

viii.    Permanent Residence Certificate state thuneitute hnen atanga pek chhuah

ix.    Forest Right Certificate

x.    OBC/SC/ST certificate emaw thuneituten an pek chhuah caste certificate eng pawh

xi.    National Registration of Citizens (a awmna apiangah)

xii.    Family Register, State/TuaIchhungthuneitute buatsaih

xiii.   Sawrkar-in ram/in a pekna certificate eng pawh

xiv.    Aadhaar card (citizenship proof nan ni lovin mahni identity tih chian nan chauh hman theih a ni)

Special Intensive Revision chungchang zawhfiah duh nei tan Helpline number – 9612282447 ah office kai hun chhungin (office hour) a biak theih a ni.

Attachment

  • Loading attachment...