4021/2024-2025

Khawzawl, dated 30th January 2025: Vawiin chawhnu dar 1 khan DC Meeting Hall-ah Mizoram State Day vawi 39-na puala State Day of Prayer hman dan tur rel turin State Day of Prayer Committee an thukhawm a, Khawzawl DC Pu K. Vanlalthiana chairman niin hun a kaihruai a ni.

He hun hi State Day of Prayer awmzia leh a thiltum sawihawng turin Chairman Pu K. Vanlalthiana'n Upa Dr. R. Vanlalzauva a sawm a, hman thin tawh dan te, hmalak tum dan te a sawi a. Sawihona hun tha tak neih a nih hnuah Khawzawla hman dan tur buaipui tur leh buatsaih turin Organizing Committee din niin chairman, secretary leh member te ruat an ni a, anni hian a hmun leh hun tur te an rel dawn a ni. Chairman Pu K. Vanlthiana chuan tha takin sawihona an neih theih avangin lawmthu a sawi a, puih ngai apiangah DC Office-in mawh an phur thei a ni tih a sawi bawk a ni.

He hunah hian kohhran hruaitu te, YMA hruaitu te leh MHIP hruaitu te an tel a ni.