4022/2024-2025

Siaha the 30th January, 2025: Vawiin khan Mizoram State Project Monitoring Committee (MSPMC) chuan an Vice Chairman Pu R Lalrinawma, IRS (Rtd) kaihhruaiin, Siaha DC Office Building leh Bungalow, Polytechnic Building bakah Nursing School building hna thawh mek te chu a hmunah kalin an enfiah.

Mizoram State Project Monitoring Commitee (MSPMC) te hi Team-2ah inthenin Vice-Chairman kaihhruai team khatnate chuan Siaha DC Office Building leh Bungalow, Polytechnic Building (Administrative Building, Hostel leh Staff Quarter) leh Nursing School-te an enfiah a. MSPMC Secretary Er Lalthanzuala Ralte kaihhruai Team 2-na ten EMRS school Noaotla, Siaha-Lobo-Tluangram (Hakha/ Myanmar) te, Noaotla to Chakhei road (PMGSY) hnuaia sak te an enfiah thung.

DC Office Building hi NEDP atanga MPWD sak a ni a, DPR/ estimated cost/ approved cost chu 610.11 lakhs a ni. 31st Oct 2018 khan sak tan niin kum 2 chhunga zo hman tura ruahman niin 90% zawhfel tawh a ni. DC Bungalow (Type VI) hi NEDP atanga MPWD sak a ni a, DPR/ Estimated/ approved amount chu 110.90 lakhs a ni. November Ni 26 2018 khan sak tan niin 98.3% zawh tawh a ni. Thosai-a Polytechnic Administrative cum Academic Block chu CSS atanga MPWD execute a ni a, April Ni 11, 2016 khan sak tan a ni. Hostel Building hi CSS atanga MPWD sak a ni a, April Ni 11 2016 khan sak tan a ni bawk. Polytechnic Staff Quarter pawh CSS atanga MPWD sak a ni a, DPR/ Estimated/approved cost chu 800 lakhs niin April Ni 11, 2016 khan hna hi tan a lo nibawk. GNM School Building hi CSS atanga H&FW Department sak a ni a, DPR /Estimated/ Approved amount chu 377.10 lakhs niin Jan 2013 khan sak tan a ni.

MSPMC Team-te hian Heng building sa tu contractor-te nen sak zawh a nih loh chhan leh harsatna awmte zawt chiangin tangkai zawka hman theih dan tur an zirchiang a. Hnathawh tawh chin that leh that loh bakah an hnathawh chungchang an sawipui nghal a ni.

Mizoram State Project Monitoring Committee (MSPMC) Vice Chairman Pu R Lalrinawma, IRS (retired) bakah Er Sanghrima Chawngthu, Member MSPMC, leh ⁠Pi Vanchhungi, Task Force MSPMC bakah an thawhpui dangte an lo kal a, Team dangah Er Lalthanzuala Ralte, Secretary MSPMC kaihhruaiin Er H Laldintluanga, Member MSPMC, Dr Laldinpuia, Member MSPMC, leh midangte an kal bawk.