2342/2024-2025

Khawzawl, dated 2nd October, 2024: Vawiin chawhma dar 11:00 am khan DC Office Conference Hall-ah District Steering Committee, Swachhata Hi Seva, Khawzawl huaihawtin Swachhata Diwas lawmna hun leh Mizoram Cleanliness Week, 2024 kharna hun hman a ni a, Khawzawl Deputy Commissioner, Pu K. Vanlalthiana khuallian a ni.

Khuallian Pu K. Vanlalthiana chuan mipui kalkhawmte chungah he hun an lo telpui theih avangin lawmthu a sawi a. Swachhata Diwas lawm ni hian Khawzawl Town leh Biate khua te'n an faina avanga lawmman an lak tawh te hre reng turin mipuite a sawm a, hetiang hlawhtlinna hi chhunzawma faina ngai pawimawh zel turin a fuih bawk. Faina leh hriselna hi a inkungkaih tlat a, hrisel tur chuan kan khua, kan in leh lo te vawn fai a ngaih thu a sawi a, faina hian Khawzawl district a tih hmasawn ngei a beisei thu a sawi bawk.

He hun hi Pu Vabeimozachhi Chozah, SDO (Sadar) leh DUDO, Khawzawl ni bawk chu chairman niin hun a kaihruai a. Pu K. Lalzika, District MUP President chuan hun serh a hmang a, Er. Liantluanga Chohte, EE, PHED WATSAN Division, Khawzawl chuan Swachhata Hi Seva, 2024 chhunga district a hmalakna hrang hrang chungchangah report tawi a pe bawk. Malzai Pu Simon Lalpekkima Pachuau hnen atangin ngaihthlak a ni a, lawmthu sawina hun Chairman, Jt. VC, Khawzawl Town Pu K. Vanlalsiama'n a hmang bawk a ni.

Swachhata Hi Seva, 2024 puala intihsiakna chi hrang hrang District Steering Committee in a buatsaih tak te a titha te hnenah lawmman sem nghal a ni a, lawmman latute chu hetiang hi an ni:

Veng Fai lawmman

1st Prize: Khawzawl Zuchhip VC

2nd Prize:Khawzawl Kawnzar leh Khawzawl Zaingen

3rd Prize: Khawzawl Dinthar

School Fai (Category A- Primary leh Middle School Section

1st Prize :Govt. MS-II, Kawzawl Vengthar

2nd Prize : Govt. PS-IV, Khawzawl Hermon

3rd Prize: Govt. PS-V, Lungvar 

School Fai (Category B- High Schhol, Higher and College

1st Prize: Higher Sec. School (GIA), Zaingen

2nd Prize :Higher Sec. School (Samagra), Zaingen

3rd Prize :Model H/S (GIA), Vengthar

Swachhata Warrior ah Pu Lalhmangaiha S/O Thanzaua,Zaingen veng chu thlan a ni bawk.

Best Performing Village on SHS, 2024:

1st Prize: Kawlkulh Watsan

2nd Prize: Puilo Watsan

3rd Prize :New Chalrang Watsan

Best Performing Swachhagrahi/Sanitation worker:

1st Prize: Donie Lalhruaizeli, Kawlkulh

2nd Prize : Zothanmawii, Puilo

3rd Prize: Vanlalhumi, New Chalrang

Heng bakah hian Middle School leh High school tan Essay Competition leh mimal leh pawl tan intihsiakna “Waste to Art” lawmman sem a ni bawk. 

He hunah hian Khawzawl district chhunga pisa hrang hrang hotute, Village Council member te, NGO te leh sikul naupang leh zirtirtute an tel a ni.