2341/2024-2025

Bengaluru, 2nd October, 2024 : Nimin khan Social Welfare Minister Pi Lalrinpuii leh Karnataka Dy Chief Minister Pu DK ShivaKumar chu Bengaluru-ah an inhmu a. Pi Rinpuii hian Karnataka Dy. CM hi Bengaluru-a Mizoram House sakna tur atana Mizoram in ram a neih dan te hrilhin, a sakna kawnga thawhho theih dan tur kawng hrang hrangte a sawipui a ni. Dy CM hian an Chief Minister pawh lo sawipui a, theihtawpa thawhhopui an inhuam thu a lo hrilh a ni.

Hemi ni vek hian Pi Rinpuii chu Karnataka Tribal Welfare Department a Secretary Pu Randeep D, IAS leh pu Yogesh T, Director, Tribal Affairs te'n an hmu leh a, Tribal cultural exchange programme neih theih dan tur chungchang te an sawi tlang a ni.

Vawiin  hian  Pi Rinpuii hovin Karnataka Tribal Affairs Director Pu Yogesh T leh a team te bakah Bangalore Mizo Association hruaituten Mizoram House sakna tur ram chu a hmunah an enho nghal bawk.