2493/2026-2027 

Dated Khawzawl, the 2^nd October, 2026 : Vawiin khan India ram pum huapa faina beihpui thlakna Swachhata Hi Seva 2026 kharna leh Swachh Bharat Diwas 2026 chu Khawzawl Deputy Commissioner Pu K. Vanlalthiana hovin DC Conference Hall-ah neih a ni a. Pu Liantluanga Chohte, Sr. Executive Engineer, Public Health Engineering Department (PHED), Khawzawl WATSAN Division chuan hun a kaihruai.

Khawzawl DC Pu K. Vanlalthiana chuan thu sawiin, Khawzawl Dstrict hi faina leh thianghlimna lama Mizoram khaidingtu ni turin theihtawp chhuah turin kalkhawmte a sawm a. Kan khawtlang tih fai mai bakah rilru thianghlima pu-a, eirukna laka fihlima kan kut a fai a pawimawh thu a sawi. 

Vawiin hunah hian Pu TC Lalhmachhuana, District Coordinator, PHED Khawzawl chuan Swachh Bharat Mission – Grameen hnuaia Swachhata Hi Seva 2026 chhunga an hmalaknate powerpoint presentation hmangin report a pe a. Faina leh bawlhhlawh sawngbawl dan inzirtirna pein in tin an tlawh chhuak a, faina hnatlang leh Safai Mitra Free Health Checkup te neih a ni a. Vawiin hian Solid Waste Management Rule 2026-in a sawi anga bawlhhlawh chi li-a thliar hran leh ruahtui chhek khawl lam inzrtirnan Special Gram Sabha Village Council tinah neih a ni bawk a ni.

Pu B. Lalhmangaihtluanga, Inspector of Sanitation, Urban Development & Poverty Alleviation (UD&PA) pawhin Swachh Bharat Mission – Urban hnuaia hmalaknate powerpoint presentation hmangin a tarlang a. September 9, 2026 khan Khawzawl town chhung VC tinah faina runthlak hnatlang neih a ni a, Safai Mitra Free Health Checkup leh IEC campaign ngawrh taka neih a ni bawk a. October 1, 2026 khan ram chhung hmun dand rualin sawrkar hotute, VC hruaitute leh school naupangte nen ‘Ek Din, Ek Ghanta, Ek Saath’ hnatlang neih a ni bawk. 

Swachhata Hi Seva 2026 chhung hian Khawzawlah faina inelna neih a ni a. A ti tha lawmman dawngte chu a hnuaih tarlan an ni – 

 Veng Fai

1^st - Kawnzar Veng

2^nd - Electric Veng

3^rd - Vengthar & Darngawn Veng

School Fai (Elementary & Middle Section)

1^st - Govt. PS-V, Lungvar

2^nd - Govt. PS-IV, Hermon

3^rd - Govt. Middle School-II, Vengthar

School Fai (Higher Section)

1^st - Khawzawl Higher Secondary School

2^nd - Model High School

3^rd - Govt High School, Khawzawl

Sawrkar Office Fai

1^st - PHED Khawzawl WATSAN Division

2^nd - Police Station, Khawzawl

3^rd - District Agriculture Office

Restaurant Fai

1^st - Alpha Hotel, Vengthar

2^nd - CC Restaurant, Dinthar

3^rd - Mahmui Hotel, Kawnzar 

Rural lamah Visual Cleanliness (hmuh theiha fai) leh Swachhata Hi Seva activity nei thate lawmman pek an ni bawk.

1^st – Vankal khua

2^nd – Arro khua

3^rd – Ngaizawl khua