2491/2026-2027

Dated Hnahthial, the 2^nd October, 2026: Tukin zing dar 06:00 khan Hnahthial District-ah UD&PA leh Dept. of Drinking Water & Sanitation, Ministry of Jal Shakti bultumin Swachhata Hi Seva Campaign kharna puala 'Swachhata Run 2026' chu neih a ni a. DUDO, Pi Christina Lalnunfeli chuan hun kaihruaiin khuallian, Sr. CMO, Dr. Lalnunziri chuan intlansiakna hi a flag-off a ni. 

Sr. CMO, Dr. Lalnunziri chuan hriselna leh faina ngai pawimawha kalkhawmte chungah lawmthu sawiin faina leh hriselna kawnga Hnahthial District tana sulsutu ni zel turin a sawm a. Faina leh hriselna chu thil kalkawp tlat a nih thu sawiin District fai leh awhawm siam theitu chu keimahni bak kan awm loh thu a sawi a. Sawrkar hna a ni emaw eng hna pawh thawk tur chuan physical fitness chu a pawimawh tawh thu sawiin hrisel tur chuan kan fai phawt a ngai a ni a ti bawk. 

'Swachhata Run 2026' hi Marathon anga kalpui niin DC Complex atang Sr.CMO chuan flag off in Hnahthial District Football Association (HDFA) turf ground an thlen hnuah DC complex ah an rawn tlan let leh a ni. He intlansiakna hi 7km vela thui tlan niin mi 54 an tlan a. Lawmman hi mipa leh hmeichhia tan pakhatna atanga pathumna thleng lawmman sem a ni a.

Lawmman pakhatna in Rs. 3000, pahnihna in Rs. 2000 leh pathumna in Rs. 1000 an dawng a ni. A hnuaia tarlante hi lawmman dawngtute chu an ni.

Mipa:

Pakhatna : F. Malsawmzuala,  Penial Veng

Pahnihna: Mesak Vanneihtluanga, Lungleng Veng 

Pathumna: Jonathan Lalhriatkima, Chanmari veng

Hmeichhia

Pakhatna: Vansangkimi, Chanmari veng

Pahnihna:Zodinpuii, FD hr, sec School

Pathumna:Lalruatkimi, Rotlang

Naupang category siam belh niin lawmman dawngtu te chu: 

Pakhatna: Lalpekkima, Chanmari veng

Pahnihna: Vanlalhriata, Peniel veng

Pathumna: PC Vanlalremruata, Electric veng

Waste to Art Competition hmang a inelna neih tawh chu lawmman hlanna neih leh niin

Pakhatna-Zosangliani, Rs 5000

Pahnihna- F.D Hr Sec. School, Rs. 3000

Pathumna-Joel Lalkhawngaiha leh V. Lalnunsanga, Bazar ( Rs 2000 ve ve) 

Swachhata Hi Seva 2026 thil tum ber chu faina chungchang inhrilhhriatna zau zawk neih mai bakah faina kawnga thawk chhuak a, nitin nunah faina, mipui mimal tinte hnena tuh a ni a. September ni 17 aṭanga hman ṭan niin vawiin ni October ni 2 hi Mahatma Gandhi piancham denchhenin a tawp kharna atan a hman a ni.