2491/2026-2027 

Dated Aizawl, the 02 October 2026: Vawiin khan PHE Department changtu Minister Prof. Lalnilawma chuan, UD&PA Auditorium, MINECO-ah, Faina Hapta (Swachhata Hi Seva) 2026 puala India ram puma vawiina hman ‘Faina Ni(Swachh Bharat Diwaz) 2026’ chu khuallian nia hmanpuiin, Faina Ni puala chawimawina dawngtute hnenah thilpek a hlan nghal a. Aizawl Municipal Corporation Mayor, Pu H. Lalremtluanga chu khualzahawm a ni.

He hunah hian khuallian Prof. Lalnilawma chuan thusawiin, ram chhung hmun dangte ruala Mizoramin Faina Ni hlawhtling taka a hmang thei chu lawmawm a tih thu a sawi a. Faina Ni puala chawimawina dawngte zahna chibai bukin Minister chuan ‘Faina chu rilru puthmang atanga intan leh mahni chauh inngaihtuah lo va midangte hmakhua atana mahni inhlanna a ni zawk’ a ti a. Mizoramin entawn tur mi ropui tak tak, an hniak hnung zui tur a nei chu ropui a tih thu sawiin, Minister chuan mahni theuh inen a, mahni theuh atanga faina chu bul tan a pawimawh thute a sawi a. Kalkhawmte chu faina thu chah midangte hmuha a taka nunpuitu nih tum theuh tura chahin, midangte tihhmuhtu ni tura bul tann nan Faina Ni 2026 chu hmang theuh turin duhsakna a hlan nghal bawk.

Swachhata Hi Seva (faina hapta) hi kum 2017 atang khan india ram pumpuiah hman tan ni in ni 17th Sept Atanga 2nd October chhung hman thin a ni a. Kumin Faina Hapta pual hian faina lama hma la tha mi pasarihte hnehah chawimawina thilpek hlan an nih bakah, Faina lama hnathawktute (sanitation worker) mi 95 hnenah PPE Kit hlan nghal an ni bawk.

Vawiina hun hman hi Pu V Lalsangliana, Commissioner & Secretary, UD&PA chuan kai hruaiin kalkhawmte lawmna thu a sawi a. Department hotute hnen atangin Kumin Faina Hapta puala khawpui leh thingtlang lama hmalakna hrang hrangte ngaihthlak a ni a. Pu H. Lalremtluanga, Mayor, AMC chuan Faina lama Department leh AMC-te thawhhona leh hmalak zelna tura an hmathlirte a sawi zau a. Pi Zodingpuii, Secretary, PHE Department chuan lawmthu sawiin hun hi a khar a ni.