DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/khawzawlah-tb-awareness-screening-neip

KHAWZAWLAH TB AWARENESS & SCREENING NEI

322/2026-2027

Dated Khawzawl, the 29th April, 2026 : Central TB Division-in TB 100 Days Campaign Second Phase a kalpui mekah Champhai District TB Centre Staff-te chuan Khawzawl Higher Secondary School-ah vawiin khan zirlai leh zirtirtute tan TB Awareness Campaign an neihpui a, hemi hnu hian zirlai 120 leh zirtirtu 12-ten TB an vei leh vei loh endikna, X-Ray hmanga Screening an nei zui nghal a ni.

Undivided Champhai hnuaia din Champhai District TB Centre hian TB dona kawngah hma la mekin, Khawzawl District-ah pawh Chawngtlai leh Tualte khuaa School hrang hrangah Awareness leh Screening neiin khawtlang mipuite tan pawh Awareness leh Screening hi an neihpui tawh a. Khawzawl Higher Secondary School bakah Khawzawl khawchhunga Hermon vengah TB Awareness leh Screening an kalpui mek bawk.