1141/2025-2026

Khawzawl, dated 11th July 2025: Vawiin khan DC Auditorium-ah Election Office chuan 22-Tuichang (ST) Assembly Constituency (A/C) hnuaia Booth Level Officer (BLO) te tan training a buatsaih a, Addl. DC Pu Lalfakzuala chu khuallian a ni.

Khuallian Pu Lalfakzuala chuan thu sawiin BLO te an thawk tha a, record te pawh an siam nghe nghe tawh a ni tih a sawi a, tha taka thawk chhunzawm zel turin a chah a, Election Officer te leh staff te pawhin tul ang anga tanpui zel turin a fuih bawk a ni.

He training hi Election Officer Pu Timothy R. Lalhmangaiha'n a kaihruai a, trainer hrang hrang awmin SDO (Sadar) Pu Suvigya S. Chandra chuan BLO ruat an nih dan leh chumi chungchanga dan hrang hrang te a sawi a, Chairman chuan vohbik te laka BLO te mawhphurhna hrang hrang a sawi a, Special Intensive Revision (SIR) neih laia BLO mawhphurhna a sawi bawk. SDC Pu Paul Rokima chuan BLO tihtur hrang hrang, form ziah dan te, assessment neih dan te leh tul dang tihchhinna a neihpui a, Khawzawl Hermon BLO Jesse Ramtharnghaka chuan BLO app hman dan a zirtir bawk a ni. Training zawh hian BLO te chuan ngaihdan sawina leh zawhna hun an nei bawk a ni.