1140/2025-2026

Saitual, the 11th July 2025: Vawiin khan District Hospital, Saitualah Sawrkar laipuia Ministry of Culture-in June ni 25 chu Samvidhan Hatya Diwas (Constitution Murder Day) a a lo puan tawh behchhanin exhibition leh awareness campaign neih a ni a, hmun dang pathum (3)-ah te neih leh tura rua hman a ni bawk.

Vawiin hun hmannaah hian Pu J. Lalawmpuia, SDC chuan thu sawiin, hun an hman chhan te a sawifiah a, Samvidhan Hatya Diwas chu June ni 25, 1975-a India ram Prime Minister Indira Gandhi-in Article 352 hnuaia Emergency a puan champha puala hun hman a ni, a ti a. SDC chuan kumin hi emergency puan atanga kum 50 tlin cham a nih angin Sawrkar laipui chuan ruahmanna siamin, mipuite dikna chanvo inzirtir thar lehna leh Democracy ram tana Danpui (Constitution) a pawimawh thu inzirtirna atan he hun hi buatsaih a ni tih a sawi.

Pu J. Lalawmpuia chuan emergency puan lai hian mipuite dikna chanvo (fundamental rights) leh chanchinbu mite zalenna rahbehin a awm a, ram hruaitute, zirlai naupangte leh mipui tam tak te chu taninah khung an ni bawk tih a sawi. SDC chuan mipui tam tak te tawrhna hre reng a, mipui thlan sawrkarna ram kan nih angin kan ram danpui (constitution) te chu ngai hlu a, zah thar theuh turin kalkhawmte chu a chah a ni.

Samvidhan Hatya Diwas Exhibition leh Awareness Campaign hi District Hospital, Saitual-ah vawiinah neih a ni a, Presbyterian English School, Keifang, Govt. Saitual College leh DHEW, OSC & Excise & Narcotics department hoin PWD Kawn, Saitualah te neih a ni leh ang.