1954/2026-2027
Dated Khawzawl, the 27^th August, 2026 : Vawiin khan Sate Institute of Rural Development & Panchayati Raj (SIRD&PR) buatsaih, ni hnih awh tur VB-G RAM G chungchang inzirtirna ‘Orientation Course on VB-G RAM G functionaries’ hawnna inkhawm chu DRDO Conference Hall, Khawzawlah  neih a ni a. He hun hi Khawzawl Bawrhsap Pu K. Vanlalthiana chuan khuallian niin a hmanpui a, Dr. K.T. Pakhuangte, Assoc. Professor, SIRD & PR, Aizawl chuan hun a kaihruai.

Khuallian Pu K. Vanlalthiana chuan kalkhawmte chu he programme-a mithiamten zirtirna an pekte ngun taka ngaithla tura chahin, training hlawkthlak tak nei turin duhsakna a hlan a. Kan khawtlang leh ramin hma kan sawn zel theih nan sawrkar hna thawkte chu inzir zel tur an nih thu leh dik tak leh rinawm taka hna an thawh a pawimawh thu a sawi bawk. 

Pu K. Lalhmuakliana, Project Director, District Rural Development Office (DRDO) chuan VB-G RAM G hnuaiah nasa taka hma lak mek a nih thu a sawi a. Pu F. Malsawmtluanga, Rural Accounts Officer, DRDO chuan lawmthu sawiin hun a khar.

He programme hi August 27-28, 2026 chhunga neih tur niin, Khawzawla sawrkar hnathawk thenkhat  DRDO, DCIO, PMKSY leh MGNREGA staff-te tana buatsaih a ni a. VB-G RAM G kalpui dan turte, sawrkar sum enkawl dan te, filing system leh thil pawimawh dangte zir ho a ni dawn a ni.